ചിന്നക്കുട്ടുറുവന്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ചിന്നക്കുട്ടുറുവന് |
||||||||||||||
---|---|---|---|---|---|---|---|---|---|---|---|---|---|---|
|
||||||||||||||
ശാസ്ത്രീയ വര്ഗീകരണം | ||||||||||||||
|
||||||||||||||
|
||||||||||||||
Megalaima viridis (Boddaert, 1783) |
കേരളത്തിലെ നാട്ടിന്പുറങ്ങളിലും കാടുകളിലും കാണപ്പെടുന്ന ഒരു പക്ഷിയാണ് ചിന്നക്കുട്ടുറുവന് അഥവാ പച്ചിലക്കുടുക്ക. ഇംഗ്ലീഷ്: White-cheeked Barbet അഥവാ Small Green Barbet). ദേഹം പൊതുവേ പച്ച നിറം. തലയും കഴുത്തും മിക്കവാറും തവിട്ടു നിറം. കണ്ണില് നിന്നും പുറകോട്ട് വീതിയുള്ള ഒരു പട്ടയും അതിനു മുകളിലും താഴെയും ഓരോ വെളുത്ത പട്ടകളും കാണാറുണ്ട്.
ഉള്ളടക്കം |
[തിരുത്തുക] പേരിനു പിന്നില്
കുട്രൂ-കുട്രൂ എന്ന് കൂടെക്കൂടെ പുറപ്പെടുവിക്കുന്ന ഉച്ചത്തിലുള്ള ശബ്ദത്തില് നിന്നാണ് പക്ഷിക്ക് ഈ പേരു വന്നത്. മിക്കവാറും സമയം പച്ചിലക്കൂട്ടങ്ങള്ക്കിടയില് മറഞ്ഞിരിക്കുന്ന പക്ഷിയെ പച്ചിലകള്ക്കിടയില് തിരിച്ചറിയാന് ബുദ്ധിമുട്ടാണ്. ഒരു പക്ഷി തന്നെ ഉണ്ടാക്കുന്ന ശബ്ദം മാറ്റൊലി കൊള്ളുന്നതാണോ മറ്റ് പക്ഷികള് ഉണ്ടൊ എന്ന് കണ്ടുപിടിക്കുവാന് ബുദ്ധിമുട്ടാണ്.
[തിരുത്തുക] മറ്റു കുട്ടുറുവന്മാര്
- സിലോണ് കുട്ടുറുവന് Brown-headed Barbet (Megalaima zeylanica zeylanica (Gmelin)
- വലിയ ചെങ്കണ്ണന് കുട്ടുറുവന് Western (Large) Green Barbet (brown headed barbet) (Megalaima zeylanica inornata) (Walden)
- ആല്ക്കിളി Crimson throated barbet ((Megalaima rubricapilla malabarica) (Blyth)
- ചെമ്പുകൊട്ടി Crimson breasted barbet ((Megalaima heamocephalla Indica) (Latham)[1]
[തിരുത്തുക] ആഹാരം
ചിന്നക്കുട്ടുറുവന്റെ പ്രധാന ആഹാരം ചെറിയ പഴങ്ങളും പലതരം കായ്കളുമാണ്. അരയാല്, വേപ്പ്, പേരാല്, കഴനി, മഞ്ഞപ്പാവിട്ട എന്നിവയുടെ പഴങ്ങള് ഇവക്ക് ഇഷ്ടമാണ്. നിലത്തിറങ്ങാന് ഇഷ്ടപ്പെടുന്നില്ല എങ്കിലും അരിപ്പൂച്ചെടിയുടെ കായ്ക്കള് ഭക്ഷിക്കാനായി ചിലപ്പോള് തീരെ താഴ്ന്ന കൊമ്പുകളില് വന്നിരിക്കാറുണ്ട്. [1]
[തിരുത്തുക] പ്രജനനകാലം
പ്രജനനകാലം ഡിസംബര് മുതല് ജൂണ് വരെ നീണ്ടു പോവാറുണ്ട്. ബലം കുറഞ്ഞ മരങ്ങളുടെ തായ്ത്തടി തുളച്ചാണ് കൂടുണ്ടാക്കാറ്. ഇത്തരം മാളങ്ങള് രാത്രികാലങ്ങളില് ചേക്കിരിക്കാനും കുട്ടുറുവന് ഉപയോഗിക്കാറുണ്ട്.
[തിരുത്തുക] ആധാരസൂചിക
- ↑ 1.0 1.1 കെ.കെ., ഇന്ദുചൂഡന്. കേരളത്തിലെ പക്ഷികള്. കേരളസാഹിത്യ അക്കാദമി. ISBN 81-7690-067-2.