Богородица Марија

Од Википедија, слободна енциклопедија

Оваа статија е никулец. Може да помогнете со нејзиното проширување.

Богородица Марија (Дева Марија) е мајка на Исус Христос која е прославувана од Христијаните уште од апостолските времиња. Родена во Назарет, ќерка на св. Јоаким и Ана, жена на Јосиф. Во неа се поврзале лозата кралска Давидова, по татко, и лозата свештеничка Аронова, по мајка. Затоа уште се вели и дека таа го родила Царот на царевите и Првосвештеникот, Исус Христос.

[уреди] Богородица во Новиот Завет

Во Новиот Завет се среќаваат кратки белешки околу нејзиниот живот, најчесто во врска со почетокот или крајот на Неговиот земен живот. Апостол Матеј ја опишува како жена на Јосиф, која носела Дете зачнато од Светиот Дух (Мт. 1:18); веднаш по Неговото раѓање, таа била присутна на поклонувањето и дарувањето на Трите мудреци од исток во пештерата (Мт. 2:11), преминала со Јосиф во Египет (Мт. 2:14) и се вратила во Назарет (Мт. 2:23). Апостол Марко (Евангелист) едноставно Го именува Исус Христос како нејзин син.

Апостол Лука (Евангелист) во неговата нарација се осврнува на Благовештението на архангел Гаврил (Лука 1:27-38), посетата на Елисавета (мајката на св. Јован Крстител), нејзината ода (Лука 1:39-56), како и посетата на овчарите на Младенецот (Лука 2:1-20). Тој исто така се задржува и на нејзината загриженост при наоѓањето на Христос, при неговото испрашување во Храмот кога Тој имал само 12 години. Според Апостол Јован и неговото Евангелие, Богородица била присутна при првите чуда кои Исус Христос ги изведувал, исто така, заедно со неговите браќа била присутна пред Педесетницата (Дела 1:14).

[уреди] Правилото за Богородица од Седмиот вселенски собор

(извадок)

„ ...Оној што не верува со чиста еднодушност и со мсето свое срце во Спасителот, нашиот Бог и во Пречистата Негова Мајка, Владичица и наша Богородица, како и во сите светии, а ги отфрла и не ги прима прекрасните чуда, кои се посведочени со премудри докази или по свој разум ги толкува поинаку, да биде проклет... “

[уреди] Празници посветени на Богородица Марија

• Благовестие (Благовештение)
• Раѓање на Пресвета Богородица (Мала Богородица)
• Покров на Пресвета Богородица
• Воведување во Храмот на Пресвета Богородица
• Собор на Пресвета Богородица
• Успение на Пресвета Богородица (Голема Богородица)