Te Atairangikaahu

Nō Wikipedia Māori

Te Atairangikaahu
Te Arikinui

Kīngitanga	23 Haratua 1966 – 15 Here-turi-kōkā 2006
Whakawahinga	23 Haratua 1966
Ingoa katoa	Te Arikinui Dame Te Atairangikaahu
Ka puta ki te ao	23 Hōngongoi 1931
	Waahi Marae, Rāhui Pōkeka
Ka haere ki te pō	15 Here-turi-kōkā 2006
	Tūrangawaewae Marae, Ngāruawāhia
Nehunga	Taupiri maunga
Kīngi tōmua	Korokī
Kīngi tōmuri	Tuheitia Paki
Hoa rangatira	Whatumoana Paki
Kāwai rangatira	Te Wherowhero
Matua tāne	Korokī Te Rata Mahuta Tāwhiao
Whaea	Te Atairangikaahu Hērangi

Ko Te Arikinui Te Atairangikaahu te Kuīni Māori mai i te 1966 tae noa ki te 2006. I whānau mai ai a Piki Mahuta i te 23 o ngā rā o Hōngongoi i te 1931; i mate i te 15 o ngā rā o Here-turi-kōkā, 2006. Ko Te Ata, arā 'Princess Piki' te tamāhine tuarua o Korokī, arā o Korokī Te Rata Mahuta Tāwhiao Pōtatau Te Wherowhero, te Kīngi Māori tuarima.

Nō te mea he uaua rawa te whānautanga, ka mea a Korokī kia noho a Te Ata anake hei tamariki mō tāna wahine, kei mate ia. Engari, he tamariki whāngai anō ō rāua, ko Tā Robert Mahuta tētahi. He tokotoko whakawhirinaki tonu ia ki a Te Ata i ngā tau o tana kuīnitanga. He pōhara rawa ngā āhuatanga o te ao o Te Ata, i a ia e tamariki ana; he papa oneone noa iho o tō rātou whare raupō. I kuraina a Te Ata ki te kura Māori o Rākaumanga me Diocesan School, arā te kura mihinare mō ngā kōtiro ki Kirikiriroa. He tino kaha ia ki te tākaro hoari, ki te kauhoe hoki.

I te tau 1965 ka hemo te whaea a Te Ata, ko Te Atairangikaahu tonu te ingoa. Nō muri mai, i te tau 1966, ka mate a Korokī, ā, ka tū ko Te Atairangikaahu hei whakakapi, ā, koia rā i tau ai ki a ia te korowai o ōna mātua, ā, ko tana koroneihana hei Arikinui. Ko ia te wahine tuatahi i noho ki te torōna o ōna tūpuna, o Te Wherowhero mā. Ko Whatumoana Paki te hoa rangatira o Te Atairangikaahu; i haere tahi rāua ki hea whenua, ki hea whenua, ki te mahi i ngā mahi a Te Kīngitanga.