Мокшень кяль
Википедиесь-ста
Мокшень кяльсь (mokshanj kälj) тя кяльсь конаса корхнихть Мордовиять шивалгомширень пакшезонза ди маластонь Пензань, Рязанень, Тамбувонь, Саратувонь, Самарань, Оренбуронь аймакова, Татармасторса, Башкирмасторса, Сибирьса, Рузмасторонь Ичкозе шиньстяма ширеса, Арменияса, Австралияса ди Американь Аймакнень Сотксса. Мокшень кяльть улихть кота башка корхтафкст: Кучка, Шимадомжирень (Зубунь корхтафкссь), Лямбе-Шимадомжирень, Кельмеширень, Лямбе-шиньстямаширень ди Лямбеширень. Мокшень кяльса корхнихть 500,000-да лама ломатть.
[петнемс] Сёрмадомась
Кунардонь мокшень сёрмадомась конань эса ульсть 3000-да лама тяштькссна. Мокшень тяштьксса ульсь кода тяштьфтемс лепт эди мяльёжат. Эрь мокшень юромть ули эсь тяштькссь. Синь няфнезь модань, вирень, нешкоперень азоронь лемсна. Cёрмать содазь пяк ламотне и сон вантофсть мянь XIX сядокизоти. Ванфтовсь тяфтама сёрма кучф 1888 кизоня Саратувонь губернияста ушманти Никита Колесниковонди кона ушмосоль Питерьбурса.
1 | Пеелем | Никитань альняканц тяштьксоц |
2 | сотф лишме | |
3 | куд | |
4 | ши | колма шит ётасть |
5 | модас тума | кулось |
6 | ава | ава ломань |
7 | ведь | сельмоветть |
8 | шаба | колма шабат |
9 | кши (туркс кикс мархта) | кшинь аф сатнемась |
10 | лишме + ярмак | кучемс ярмак |
11 | Сенькс | Пеелем юромста авась |
12 | полань суркст | рьвяяма-рьвакс лисема |
13 | Шары | Колесников Петрань юром тяштьксоц |
Тя сёрмать морафтомац азонды вага мезь: «Федя альнякаце сась куду (ингольдень сёрмаста Никита содазе сон якась салонь ускома Эльтону), колма шида меле кулось, сонь ърьвац аварди, колма шабанза вачедот. Никита, кучт ярмак.» Тяда башка сёрмаса азфоль «Сенькс (Никитань альняканц стирец) лиссь ърьвакс Колесников Петранди».
[петнемс] Алфавитсь
Тяни мокшень кяльса сёрмадыхть Крилань алфавитса и сон сяка кода Рузонь алфавитса. Ала-Равонь кошардомвийсь шнась од мокшень Латинонь алфавитть 25 июньковста 1932 кизоня интай сонь курок кардазе ди ётафтозе мокшень кяльть меки Рузонь алфавитс.
А а | Б б | В в | Г г | Д д | Е е | Ё ё | Ж ж |
З з | И и | Й й | К к | Л л | М м | Н н | О о |
П п | Р р | С с | Т т | У у | Ф ф | Х х | Ц ц |
Ч ч | Ш ш | Щ щ | Ъ ъ | Ы ы | Ь ь | Э э | Ю ю |
Я я |
Кяльть ащи фкя кафта Мордвинонь кяльхне еткса, кона ащихть Финно-Равонь кяльхне Финно-Угронь кяльхнень тарадоц. Мокшень кяльсь эрзянь кяльти малады, аньцек синь аф фкат фонетикть, грамматикть, кяль-валкстьке коряс. Мокшень кяльсь ащи масторонь кяльсь Мордовия республикаса, рузонь эди эрзянь кяльхнень мархтост.
- SIL код: MDF
- ISO 639-2: mdf
- ГОСТ 7.75-97: мок 455
- Мокшень латинонь алфавитсь (1932 к.): A/a, B/в, C/c, Ç/ç, D/d, Ə/ә, E/e, F/f, G/g, Y/y, I/i, J/j, K/k, L/l, M/m, N/n, O/o, P/p, R/r, S/s, Ş/ş, T/t, U/u, V/v, X/x, Z/z, ƶ, ь, rx, lh
- Тяниень крилань (рузонь) алфавитсь: А/а, Б/б, В/в, Г/г, Д/д, Е/е, Ё/ё, Ж/ж, З/з, И/и, Й/й, К/к, Л/л, М/м, Н/н, О/о, П/п, Р/р, С/с, Т/т, У/у, Ф/ф, Х/х, Ц/ц, Ч/ч, Ш/ш, Щ/щ, Ъ/ъ, Ы/ы, Ь/ь, Э/э, Ю/ю, Я/я