Kinsásá

Mbóka tǒ engumba Kinsásá —ekokí kotangema Kinshásá tǒ Kisásá— (eye eyébénákí kala o nkómbó Léopoldville) ezalí mbóka-mokonzi ya Kongó-Kinsásá. Ezalí mpé etúká (province) ya ekólo êná. Ezalí engumba monɛ́nɛ, na efúku 8 ya bato (est.). Elɔngɔ́ na nyɔ́nsɔ óyo, Kinsásá ezalí engumba ya míbalé na bingumba nyɔ́nsɔ ya mokili, na elobelí lifalansé, na sima ya engumba Pari (Falansia), mpé ezalí o káti ya bingúmba minɛ́nɛ koleka ya Afríka o nsé ya Sahara.

[kokoma] Mambí ma mabelé

Ekútání na mabelé o loboko-ya-mwǎsí ya Ebale ya Kɔ́ngɔ. Na yangó etálání pɛnɛ-pɛnɛ mpénza na Brazzaville, mbóka-mokonzi ya Republiki ya Kɔ́ngɔ tǒ mpé Kongó-Brazzaville. Kinsásá ekútání na 4°16' Sud, 15°17' Ɛ́sita (-4.2667, 15.28333).

Bisíká minɛ́nɛ ya êná engumba :

Cité de l'OUA, ndáko ya Bulamatari ya Kongó-Kinsásá
Matonge, óyo eyebaní mokili mobimba mpɔ̂ na malɛki-butu na yangó
Komini ya Gombe.

Engumba óyo ezalí na mǎto ya ebale tǒ mpé baferry na esɛ́mɛlɔ ya Beach Ngobila mpɔ̂ na kokɛndɛ Brazzaville na Bangi, na nzelá-masíni ’te na Matadi, elongo na Aleopori ya Ndjili.

Bilóko minɛ́nɛ óyo emɔ́nɔnɔkɔ míngi ezalí Buludingi ya SOZACOM, Hotel Inter-Continental na Hotel Memling, Zándo monɛ́nɛ ya Kinsásá, Mizé ya Kinsásá na Académie des Beaux-Arts. Bulevale ya 30 Juin ndé ekangasí biténi nyɔ́nsɔ ya êná engumba.

[kokoma] Bato

Bato ba Kinsásá

Mobú	Bato
1920	1 600
1936	40 300
1938	35 900
1939	42 000
1947	126 100
1957	299 800
1959	402 500
1968	1 052 500

Année	Bato
1970	1 323 000
1974	1 990 700
1976	2 443 900
1984	2 664 309
1991	3 804 000
1994	4 655 313
2005	7 500 000
2015	est. 12 000 000

Source: Populstat, World Gazetteer

[kokoma] Lisapo

Lipopo (Léopoldville) na Stanley Pool (Malebo Pool) ya Bonkámá ya 19.

Bonkámá ya 16–19, nzinga ya Malebo Pool ezalí na zándo tǒ wɛnzɛ inɛ́nɛ, bato batɛ́kɛ́kí mpé batɛ́kísákí míngi mpɛ́mbɛ́, bilɔ́kɔ mpé baúmbu.
1881 «traité de l’amitié» (Henry Morton Stanley na Ngaliema)
1898 Nzelá-masíni ya Matadi (CFC)
1929 mbóka-mokonzi ya Kɔ́ngɔ-Bɛlɛzi (1929-1960) na ya Republiki ya Kɔ́ngɔ (1960-1966)
1966 Lipopo akómí « Kinsásá » o mokɔlɔ 30 ya sánzá ya motóbá

Lipopo (Léopoldville) o 1883/1885

Lipopo o 1889 na Ngaliema

Lipopo o 1896

[kokoma] Molungé mpé mbúla

**Moyennes de température et de précipitations**
	Min. (°C)	Max. (°C)	Pluie (mm)
yanwáli	21	31	135
febwáli	22	31	145
mársi	22	32	196
apríli	22	32	196
máyí	22	31	159
yúni	19	29	8
yúli	18	27	3
augústo	18	29	3
sɛtɛ́mbɛ	20	31	30
ɔkɔtɔ́bɛ	21	31	119
novɛ́mbɛ	22	31	222
dɛsɛ́mbɛ	21	30	142
* Sources : BBC Weather