Vitori Emanuèl II
Da Wikipedia.
el Vitori Emanouel II de Savoya (Turin 1820 - Rouma 1878) l'è stad Rei de Sardegna del 1849 al 1861 e despoeu l'è devegnud el prim Rei d'Italia sota y Savoya fina la mort in del 1878. Fiyoeul del Càroul Albert, l'è salid al tron despoeu de la descounfita de Nouara; l'ha mantegnud el Statud Albertin e l'ha desfait el Parlament ch'el se refudava de firmar la pax count l'Austria. Count el Prouclama de Moncalieri l'è g'enevgnud a far-g pressioun in su y voutant per aveir-g oun Gouern mouderad. Despoeu del Gouern del D'Azeglio, durad fina el 1852 e sota el qual se èn approuvad y leij del Siccardi fourtament anti-clerical, l'ha cyamad al Gouern el Cavour, count el qual l'ha iniziad ouna lounga coullabourazioun pyeina de proublema. D'accordi count el Cavour in del 1859 l'ha oubtegnud la Loumbardìa count l'ayuda dy franceis coumandad del Napouleoun III countra l'Austria. L'an seguitant, countra el pareir del Cavour, l'ha favourid la spedizioun dy mila del Garibaldi e in del 1861 l'è stad insì prouclamad Rei d'Italia. In del 1870, proufitand de la gouerra che l'era scyoupada in tra y franceis, che y proutegeiven el Papa, e y prussian, l'ha mandad el so exèrcit a cyapar la citad de Rouma coumpletand insì l'unitad taliana. A la soua mort l'è devegnud Rei el so fiyoeul Umbert I.
