Val Trompia
Da Wikipedia.
| Chest artícol al è scricc in Bresà, ortograféa Modèrna |  |
La Val Trómpia l'è giöna dèle trè ài principài dèla pruvincia de Brèsa. L'è lónga 'ntùren ai 50 km e come dimensiù l'è la piö pesèna dèle trè. L'è 'na al de tipo flüviàl furmàda del fiöm Mèla che 'l la streèrsa de 'nsìma a fónt e l'è l'ünica dèle trè ài Bresàne che la prezènta mìa nüsü sègn de glaciasiù.
La part piö àlta dèla al la g'ha 'n andamènt de Èst a Òvest, có la testàda 'ndèla zòna del Pas del Manìva-Dòs Alt. De Böegn a Gardù l'andamènt el ciàpa 'na diresiù Nordèst-Sudòvest. De Gardù a Consés, endóche la al la sbóca 'ndèla piàna de Brèsa, la diresiù l'è de Nòrt a Sud.
I cümü de la al, a pàrter de 'nsìma, i è: Còi, Böegn, Ìrma, Pezàze, Marmintì, Taèrnole, Ludrì, Marché, Gardù, Polàen, Sarès, Lemezàne, Vìla Carsìna, Consés. Chèsti cümü i costitüés la part principàl de la comunità montàna de Val Trómpia, de la la qual però i fa pàrt pò a Boès, Nàe e Caì che del pónt de vìsta geogràfic i se tróa mìa 'n Val Trómpia ma 'ndèla al del Gàrza.
