Madignà
Da Wikipedia.
 |
Cheest artícul al è scrivüü in Cremàsch, urtugrafía Cremàsca. |
Madignà (Madignano in Italià) l’è ‘n paìs dal 3.022 persune da la Pruincia da Cremuna.
| Madignà | |
| Statt | Itàlia |
| Cantun (CH) | {{{cantun}}} |
| Resgjun (IT) | Lumbardía |
| Pruvincja (IT) | [[Pruvincja de Cremuna|Cremuna]] |
| Altitüden | 72 m |
| Süperfiis | 10,77 km² |
| Abitaant | 3022 ab. |
| Densitaa | 277 ab/km² |
| Frazziun | Riólta Magra, Madignanèl, Marsal |
| Cumün tacaa | Castigliù, Crèma, Izà, Riólta Grasa. Riultèla |
| NPA | CH-{{{NPA}}} |
| CAP | IT-26020 |
| Prefiss telefònich (CH) | +41 {{{prefissCH}}} |
| Prefiss telefònich (IT) | +39 0373 |
| Patronn | San Piéro e Sant'Imére |
| Sitt istitüzziunaal | |
| Vardee ul Prugett di cumün | |
| {{{nota}}} | |
Cuntegnüü |
[Mudifica] Stòria
[Mudifica] Madignà
Sa ‘l sa mia bé quant l’è nasit al pais, forse ai témp quant gh’era che i rumà. La prima carta che la parla da Madignà la porta la data dal 5 d’agost da l’an méla, quant a Türà Ludezà, an d’an prucès sa parla da Lanfranch da Madignà. An dal 1095 sa comincia a parlà di fracc, ch’i dipendia da San Paolo d’Argon, e che i è stacc a Madignà fin a dopo al 1400, quand al paìs l’è dientat ‘na cuménda (‘l pröm cumendatare l’è stacc Giülià della Rovere, che dopo l’è dientat papa Giulio II). La cumenda l’è terminada ‘n dal 1797.
[Mudifica] Riólta Magra
Dopo al 1100 Vinisù da Riultèla al g’ha lasat i solcc per fa sö do céze da ‘ntitulà a Santa Maréa (Marsal) e Sant’Imére. L'è propre ‘nturne a la céza da Sant’Imére che l’è nasit ‘l paìs da Riólta. Gh’è da dì che ‘n di temp andré ‘l Sère l’era püsé spustat e Riólta ‘al sa truàa sö la ria déstra. Al Sère ‘l g’ha cambiàt ‘l so lecc tra al 1100 e al 1400, quant sa cumincia a parlà da Riólta “Magra”, mentre da l’otra banda dal Sère l’è nasida Riólta “Grasa”. An dal 1868 il cümü da Riólta Magra l’è stac suprès e metit ‘nsèma a chèl da Madignà.
[Mudifica] Marsal
L’è ‘l pòst püsé ‘mpurtant dal Cümü da Madignà: che i ga truat tri tumbe con di petàss dal 300 o 400 dopo Gésö. An dal 1965 i g’ha truat amò tri tumbe e ansèma a cheste i g’ha truat pò ‘n bracialet che l'è druàa le dóne lungumbarde. Sa pensa che la parola Marsal la è da do parole lungubarde: “marka” la ol dì cunfì (argü i dis po’ che la ol dì Maria) e “sale” la ol dì la costa dal Sère. E pròpe sö la costa dal Sére che Vinisù da Riultèla al g’ha urìt la céza ‘n dal 1100. A chi témp la, an di pòst che 'nturne, Crèma (‘nsèma a Milà) e Cremuna i sütàa a fas la guèra per 'urì cuntrulà l’Isola Fulcheria; an da l’an 1202 che vizì al Marzal le do cità le g’ha firmat la pröma carta per ricuncilias. An dal 1403 gh’è stacia ‘n otra guèra tra guelfi e ghibelì e i morcc i a sutracc prope che al Marsal. La cesa ‘n di témp andré l’era püsé lunga: l’è stacc al Sère che al ga n’ha sbatìt zo ‘na part, forse prima dal 1700 e l'è per chesto che 'l campanil l'è isé sprupursiunat rispèt a la ceza.
