Zena (Genoa cfc)
Da Wikipedia
O Zena (vero numme Genoa Cricket and Football Club 1893) o l'è a squaddra de ballon ciù antiga da Liguria e d'Italia. O l'è stæto o primmo a guägna o campionâ de ballon italian int'o 1898.
O Zena o l'ha zeugoö o campionâ 2005-2006 in ta serie C pe a segunda votta in scia soâ stoïa a seguito de na façenda contestæ in gïo a unn-a partïa accattâ a a fin do campionâ de serie B 2004-2005, quando o l'ëa primmo in classifica e o l'ha zeugoö contro o Venessia. A façenda da retroceççion do Zena a l'ha provocô polemiche e mogogni in tutta Zena e a no l'è ciæa manco anchêu.
Indiçe |
[Modificâ] E origini: o Genoa Cricket and Athletic Club
O Zena l'è stæto fondô o 7 de Setembre 1893 a Zena in via Palestro 10 numero 4 in tö cönsolâ britannico da: Charles De Grave Sells, S.Green, G.Blake, W.Rilley, D.G.Fawcus, H.M.Sandys, E.De Thierry, Johnathan Summerhill sr. e Johnathan Summerhill jr. e sorvetutto Charles Alfred Payton, baronetto dô Impero Britannego e Console Generale da Reginn-a Vittoïa d'Inghiltæra a Zena.
Comme dixe o nomme, ö Genoa Cricket and Athletic Club a l'é unn-a societæ sportïva che non gh'aveiva sortanto ö zeugo dö ballön in testa, ma ascì ö cricket (considerô ai tempi ün sport da scignöri) e o ballaneuo (o sport ciù pratigô in Ligüria). In ti anni l'attivitæ do ballon a l'è restâ l'ûnica.
[Modificâ] Stoïa da societæ
[Modificâ] Spensley e o gïo
Trei anni doppo (1896) a fondaçion o se uniô a o gruppo o personaggio ciù importante da stoïa do Zena e unn-a de personne ciù importanti do ballon in Italia, James Richardson Spensley. Appassionou de sport in genere in Inghiltæra o l'aveiva zeugô comme portê in to Sunderland. Spensley o l'ëa un mëgo arrivô a Zena pe curâ i mainæ de naë de carbon, ma a sôa paxiòn pe o zeugo o lo portô a mette in pè o settô do ballon do Genoa Cricket and Athletic Club, tanto che o 2 Zenâ 1899 Spensley convinçe i dirigenti da societæ a cangiâ o nomme in Genoa Cricket and Football Club.
In ciû o mego ingleixe o convinçe i soci a fä enträ in to club anche i zeneisi o 10 Arvî 1897.
O 6 Zenâ 1898 a Ponte Carrega dinansci a 208 tifuxi se zeuga a primm-a partïa de ballon tra doe squaddre de doe diversce citæ, tra o Zena e 'na formaçion mista de zeugoi de Torin che guägnan pe un goal a zero. O 9 de Marso 1898 a Torin o Zena o guägna a seconda partïa pe un a zero.
[Modificâ] O primmo campionâ
L'ea tutto in po troppo fito pe o primmo campionâ offiziale da Federaçion Italiann-a de Football che a l'ëa stæta in to contempo fondâ o 15 e 26 de Marso 1898 da o Spensley e da ätri dirigenti torineixi.
A fase finale do campionâ a se zeuga a Torin in t'un giorno soö, l'eutto de Mazzo ao Velodromo Umberto I de Torin. O campionâ o l'è stæto zeugô da appenn-a quattrö squaddre e scibèn no ghe seggian di documenti offiziali parieiva che diversce partïe de qualificaçion seggian stæte zeugæ durante l'anno. A finà Zena-Internaçionä de Torin a l'è stæta guagnâ dao Zena pe un a zero con in goal de Leaver.
A a societæ ghe vegne dæta unn-a coppa e a i zeugoi unn-a medaggia. A quei tempi o non gh'ëa o scudetto. O risûlta che o l'è stæto proprio o Zena a primma squaddra de ballon a usâlo in to 1924.
[Modificâ] O Zena do-o 1898
O Zena o l'à zeugô a finâle dô 1898 con questa formaçion: Baird, Ghigliotti, De Galleani, E.Pasteur, Spensley, Bocciardo, Bertollo, Le Pelley, Dapples, Ghiglione e Leaver. A squaddra a la ëa andæta a Torin con unn-a reserva soä e pâ che o non l'agge zeugô, quindi o l'è poscibile che questa segge ascì a formaçion da primm-a partïa do campionâ . Questa a la è a lista di zeugoi de ballon tra amighevvoli e finâli do primmo campionâ:
- Fausto Ghigliotti (portê e tersin mancin)
- James Spensley (tersin e Capitan)
- Ernesto De Galleani (tersin drïto)
- Robert Al Leaver (äa mancinn-a)
- Enrico Pasteur (median)
- Henri Dapples (segonda amighevole e finâle do campionâ soö) (çentro attacco)
- Jhon Quertier Le Pelley (segonda amighevole e finâle do campionâ soö)
- J.Marshall (doe amighevoli)
- L.Mackintosh (doe amighevoli)
- F.Reed (primm-a amighevole soä)
- G.Venturini (primm-a amighevole soä)
- J.Chalmers (primm-a amighevole soä)
- J.Tweedy (primm-a amighevole soä)
- J.Wilkic (primm-a amighevole soä)
- Shaffanser (segonda amighevole soä)
- Passadoro (segonda amighevole soä) (attaccante)
- William Baird (portê, o se fa mâ inte a finâ)
- Ettore Ghiglion (italian: Ghiglione) (finâle do campionâ)
- Sirvio Pè (italian:Silvio Piero) Bertollo (finâle de campionâ)
- Gioan (italian:Giovanni) Bocciardo (mëz'äa mancinn-a)
[Modificâ] O primmo grande Zena
L'ëa ascì inandiô o primmo ciclo do Zena, in ti anni dappêu a formula do campionâ a l'è restæ de longo a mexima, con sfie direte durante l'anno e con unn-a finâle in câ de i campion in carega.
Doe seimanne doppo a vittoïa do segundo titolo, çinque zeugoi do Zena fan parte da primma squaddra da naçionâle italiann-a che a Torin a perde doi a un contro a Svissëa.
O Zena o guägna trei titoli da o 1898 a o 1900 e o se porta a câ a Coppa Fawcus pe a squaddra che l'aveiva guagnô trei campionâ de fila. O 25 Zenâ 1901 in scia proposta do socio Rossi, con 5 voti a favô e 4 contra, e magge do Zena da gianche e blêu vegnan cangiæ in rosse e blêu, comme i coloï da bandëa britannega.
In to neuvo secolo, da o 1902 vegnan formæ di giroin regionàli eliminatoï e allantou o torneo o comensa a vegnì grosso e e squaddre son sempre de ciù. In to Ottobre 1902 pe a primma votta vegne fondô o vivaio pe i zueni de men de sezze anni.
In to 1903 o Zena o zeuga, primo club italian - unn-a societæ foresta all'estero. O 27 de Arvî o Zena guägna trei a zero contro o Football VeloClub Nizza in Fransa, a partïa d'andata a Ponte Carrega a l'ëa finia sei a zero pe o Zena. In to meximo anno e in quello doppo o Zena guägna o campionâ italian, tutte e votte battendo trei a zero a Juventus.
In sti anni o Dapples mette in palio unn-a coppa particolâre: a l'è a coscì dîta Balla Dapples.
O premio o consciste in te na sfera de argento de e mexime dimençion e caratteristighe (con tanto de cuxitùe in rilievo) de un ballon da football. O l'è diffissile capî ancheu o significòu e la importança di sti trofei quando o campionâ o l'êa sortanto unn-a parte piccinn-a da stagion sportïa.
A Balla Dapples a l' êa assegnâ a a squaddra che guägnava unn-a partïa e tutti poevan sfidâ o vinçitô pe guägna a balla. E sfïe son duæ sei anni e a balla a l'è stæta disputâ in 47 partïe. O 20 dexembre 1909 a l'è stæta zeugâ l'urtima partïa pe a balla Dapples e o Zena a l'ha guagnâ pe de longo, doppo che l'aveivan avùa Milan, Juventus, Torino, Pro Vercelli, Andrea Doria e Unione Sportiva Milanese.
In to campionâ de ballon do 1915 o Zena guägna o seu settimo scudetto scibben che a Primma Guæra Mondiâle a l'avesse sospeixo o campionâ e che a Federaçion do Zeugo do Ballon Italian (FIGC) a l'avesse assegnà o scudetto a squaddra primm-a classificaä do giron finâ de l'Italia do nord.
In ti campionai de ballon do 1923 e 1924 o Zena allenoö da Garbutt (o primmo mister da stöia do zeugo do ballon) guägna o seu doi urtimi scudetti battendo in finâle a Lazio (4-1 e 2-0) e o Savoia (2-0 e 1-1). O Zena o l'aveiva guagno o seu deximo scudetto in to 1925, ma a fin da finâ do giron nord quando o Zena stava guägnando pe doi a zero, di tifuxi do Bologna (guidæ da di gerarchi fascisti) son intræ in campo armæ de pistolle e faxeivan sospendê a partia. Doppo doi ripetiçioin o Bologna guägna pe 2-0 a tersa partia zeugaä a e sette do mattin in campo neutro. Questo o l'è forse stæto o primmo episodio di ingerensa da politica in to zeugo do ballon: o Zena pe e seue origgini britanneghe o no l'ëa ben vistö da o regimme fascista che o gh'aveiva ä dreitûa cangioö o nomme da Genoa Cricket and Football Club inte l'italian Genova 1893.
[Modificâ] I primmi campionâ de Serie A
O Zena va vixin a guagnâ o campionâ 1927-'28 e o l'arrïa segondo, derè a o Turin. In to 1929-'30 o l'è stæto zeugoö o primmo campionâ naçionâ de ballon, a serie A, e o Zena, guidoö da i attaccanti Banchero e Levratto (o sfondatô de rei) o l'arrïa segondo a soi doi punti da o l'Inter de Meazza. L'anno doppo o Zena o finisce cuarto, scibèn o l'avesse accattô dall'Argentinna un de i ciù grandi zeugoi da stöia do Zena, El Filtrador Guillermo Stabile, capocannoné de i primmi Campionâ Mondiâ de Ballon. Stabile o l'è stæto perseguitoö da a desdiccia e o s'ëa derrûâ doi votte a gamba, a primma votta in te unn-a partïa amichevole in te un scontro co-o portè avversario e a segonda votta l'anno doppo che o l'ëa tornö a zeugâ.
In to 1933-'34 pe a primm-a votta o Zena vegne retrocesso in ta Serie B, ma doppo un anno soö o torna in ta Serie A comme protagonista, grassie a i investimenti do prescidente Culiolo, o l'arrïa sesto in campionâ e guägna a Coppa Italia contro a Roma pe 1-0 a Firense o 6 de Zugno do 1937.
In to 1938 o Zena o l'arrïa terso, a soi trei punti de distacco da o l'Inter e guägna o primmo derby pe 1-0 contro a Liguria.
[Modificâ] Vöxi vixinn-e
- A stöia de l' Inno do Zena
[Modificâ] Ingançi
- Scito offiçiâ do Genoa C.F.C.
- Associaçion Club Genoani
- Scito offiçiâ da Fondaçione Genoa
- Grifon in t-a Ræ
- Scito de i Grifon
- San Giorgio Old Times Circle
- I Druidi: nostalgia ed epos a quarti rossoblù
- Akaiaoi - I coloi de Zena - Scito in scia stoïa Rossoblù
- Scito offiçiâ do Genoa Club Islanda "Luigi Ferraris"
- Treuva Grifon - Tutto o Zena in Ræ
- Grifone@Inside - Pe chi o se sente "Grifon dentro"
- O "Caso Genoa": o file do Zena in C
