Zuuster (religieuze)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
'n Zuuster ies, bie de Katholieke kèrk, 'n vrouw die religieus beloftes haet aafgelag. Alle vrouwe, die in 'n kloaster wone of lid zin van 'n kloasterorde of congregatie, weure mèt de titel zuuster aangesjproke. Dat kènne moniale, sjlotzuustersj of nónne zin. Zuustersj wone in 'n zuuster- of nónnekloaster. Ze leve volges de reigel van 'n bepaalde kloasterorde. De term nónnekloaster weurt ouch waal gebruuk veur 'n hoes woa begiene wone. Begiene zint èvvel leke-vrouwe, die gein geloftes höbbe aafgelag. Meistal drage religieus vrouwe uniform kleijer.
Nón ies 'ne andere naam veur kloasterlinge.
'n Novice of postulante ies 'n vrouw, die op eige verzeuk gevraog haet um in 'n kloaster opgenómme te weure en die bereid ies 'ne prooftied van minstens 6 maond te óndergoon. Diet gebeurt in 'n Noviciaat.
't Hoof van 'n zuusterorde hèt abdis of moder-euversjte. Zie haet es waerdigheidsteikes: 'n boorsjkruus, 'ne rink en 'ne sjtaaf. Häör vervengster hèt priorin.
De preester bie 'n zuustergemeinsjap hèt 'ne proos. bv bie de Norbertinesse
[bewirk] Zuusterordes
- Benedictenesse
- Clarisse
- Cisterciënzerinne
- Norbertinesse
- Franciskanesse
- Ursuline
- Visitadinne
Bedelordes of mendicante, zint congregaties, die de reigel neet allein op 't individu toepasse meh op de ganse kloastergemeinsjap.
- Karmelietesse
- Dominicanesse
- Augustinesse
