Will Kohnen
Van Wikipedia
Dit artikel is gesjreve in 't Vieleter. 't Weurt gewaardeerd óm in dit artikel 't Vieleter aan te hauwe of aan te gaeve welk anger dialek gebroek is.
Dialektsjriever Will Kohnen, is geboare i Vols, 1951. Hat óch (mit zieng vraw, oet Viele) uvver zes joar i Viele gewoand, ze woane noe al joare i Lemieësj. Heë sjrieft al vanaaf zie elfde/twelfde joar. Nit alling in 't Hollensj, óch gedichte en kótte verhale sjrieve in 't dialekt vóng heë sjun. Zoegaar e kót toneelsjtuk hat heë óp zie drutsingde in 't dialekt gesjreëve. Vanaaf 2000 sjrieft heë sjtreekromans in 't dialekt. Heë hat mierdere verhale en gedichte vur e weëkblad gesjreëve. Giddes weëk ing aaflivvering van de 'Bende van 't Zuide' verdeeld i zesentswantsig kier. Vur 't bóch zunt twei hoofdsjtukker extra d'rbeej gesjreëve. Doanoa kómp 't verhaal "Woa is 't Eefje?", dat is óch uvver mierdere weëke gepubliceerd. Noaderhand hat heë dat verhaal umgesjreëve en als titel vur zie dreide bóch gebroekt: 9 verhale mit d'r titel: "Woa is 't Eefje? en ach anger verhale". D'r umsjlaag is noa e aquarel van Finy Kohnen-Heijenrath, en beej giddes verhaal ing tekening va vurneumde.
Heë sjrieft zoe realistisch meugelik, óch al zunt de verhale fictief. Miëstal zunt 't detektiveverhale, romantiek en humor zunt nit vergeëte. 't Tweide bóch "De geheimzinnige Viela" is e bietje thrillerèchtig woade en umdat doa kinger i mitdunt, egelik e bóch vur gidderinge. De bucher hat d'r sjriever zelf oetgegevve. Heë moelt en sjrieft in 't Vieleter dialekt, 't zal wel d'rmit te make ha dat zieng mam va Mellesjet woar. Dat in 't dialekt óch 'chique en sjpannend' ken weëde gesjreëve, lotte de bucher zieë. Nevver 't sjrieve, is heë óch dök an 't fotografere in zieng sjtreek. Gedichte sjrieve, vingt heë nog ummer sjun, ze mótte waal inge bepaalde 'deepgank' ha.
[bewirk] Bibliografie
- De Bende van 't Zuide
- De geheimzinnige Viela
- "Woa is 't Eefje?" en ach anger verhale
