Vlissingen
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Vlissinge is 'n stad in de Nederlandse provincie Zieland, op 't zuie vaan 't eiland Walchere, aon de moond vaan de Westersjelde. 't Ligk zuidelek vaan Middelburg, wat naoventrint eve groet is en mèt Vlissinge e stadsgewes vörmp. Binne de gemeinte ligke nog de kèrne Oost-Souburg en Ritthem. West-Souburg is allewijl 'n wiek vaan Vlissinge.
Inhawd |
[bewirk] Stadsfuncties
Vlissinge vörmp same mèt Middelburg ei verzorgingscentrum, in beperkde maot veur de ganse provincie Zieland. Dao is 'n openbaarsjaolegemeinsjap, 'n mèt Middelburg gedeilde christeleke sjaolegemeinsjap en e hospitaol. Vlissinge heet 'nen have, gelege in 't ooste, dee taomelek modèrn is en dèks es alternatief veur Rotterdam of Antwerpe gebruuk weurt. De sjeepsbouwwèrf De Schelde is bekaans failliet.
[bewirk] Stadsgeziech
Vlissinge heet in d'n Twiede Wereldoorlog zwoer sjaoj opgeloupe en is daovaan mer gedeiltelek herstèld. De groete Sint-Jacobikèrk, mèt 'ne besjeie torie dee 't stadsbild neet dómmeneert, is in laat-gotische stiel opgetrokke en heet e paar Tudorboge. 't Stadhoes is nao-oorlogs. Aon de boelevaar, dee väöl toeriste trèk um zien oetziech op de Noordzie, stoon e paar hotels en deur apparteminte, meh ouch 'n historische poort en e paar kenonne. 't Nao-oorlogs raodhoes mèt carreljóng en modern beelder sprink ouch in 't oug.
[bewirk] Historie
Vlissinge kump in de daartiende iew op es veurhave vaan Middelburg en krieg in 1315 stadsrechte. Tijens d'n opstand vaan de Nederlen waor 't ein vaan de ierste stei die in hen vaan de Geuze kaome (naomelek op 6 april 1572). Vaanaof de achtiende iew begós 't Middelburg en Veere ikkenomisch te euvervleugele, umtot vaan die stei de haves lankzaamaon verzaveld raakde.
[bewirk] Trivia
't Newyorks stadsdeil Flushing is nao Vlissinge geneump.
[bewirk] Externe link
| Provincie Zieland | |
|---|---|
|
Borsele | Goes | Hulst | Kapelle | Middelburg | Noord-Beveland | Reimerswaal | Schouwen-Duiveland | Sluis | Terneuzen | Tholen | Veere | Vlissingen |
|
