Shakira
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
.png/180px-Shakira_by_Jose_Miguel_Serrano_(cropped_version).png)
Shakira Isabel Mebarak Ripoll (Barranquilla, Colombia, 2 fibberwarie 1977) is 'n Colombiaanse zengeres vaan popmuziek mèt liechte Zuid-Amerikaanse invlode. Häör muziek ligk good in 't gehuur, mèh oondersjeit ziech binne de hitparademuziek door tamelek intelligente tekste en 'n expressief stumgebroek.
Shakira weurt es jongste keend vaan e femilie vaan ach. Häöre pa is Libanees, häör ma Colombiaans. Es ze mèt daartien jaor nao Bogotá trèk veur fotomedèl te weure weurt ze oontdek es zengeres, wat e jaor later leit tot Magía, boe-op ze zelf al aon alle leedsjes heet mètgesjreve. Daonao oontwikkelt ze ziech in de Latiens-Amerikaanse wereld tot superstaar en bekinde actrice. 't Album Dónde están los ladrones oet 1998 vesteg häöre naom ouch boete dat continent en ze beslut veurtaon veural in 't Ingels te goon zinge, wat in 2001 leit tot de plaot Laundry service. Euveregens kump die plaot in de Spaonstaolege wereld gewoen in 't Spaons oet. Hits vaan dit album zien Whenever, Wherever, Underneath your clothes en Objection (tango). Ze deeg in 2005 e döbbelalbum doen oetkoume, Fijacion Oral/Oral fixation, boevaan 't ierste deil, Spaonstaoleg, latinmuziek bevatde en 't twiede deil, Ingelstaoleg, rockechteg gekläörd waor. De groetste hits daovaan waore La tortura en Don't bother. In 2006 had ze mèt Wycliff Jean 'ne groete zoemerhit, Hips don't lie.
[bewirk] Discografie
- Magía, 1991
- Peligro, 1993
- Pies Descalzos, 1995
- ¿Dónde están los ladrones?, 1998
- MTV Unplugged, 2000
- Laundry service, 2001
- Fijacion Oral Vol. 1, 2005
- Oral Fixation Vol. 2, 2005
