Quenya
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Quenya is 'n fantasietaol die door de elfe in de beuk vaan J.R.R. Tolkien weurt gesproke. In The Hobbit en The Lord of the Rings is de taol al oetgestorve en weurt ze slechs levend gehawwe es cultuurtaol, op 'n meneer wie 't Latien in de modernen tied es klassieke taol functioneert. De taol is same mèt 'n aander elfetaol, 't Sindariens, de einege vaan Tolkiens fantasietaole boevaan genoog informatie besteit um d'rin te sjrieve. Väöl Tolkien-leefhöbbers sjrieve gediechter in 't Quenya.
Inhawd |
[bewirk] Aofkums
Tolkien, dee in zien jäög väöl versjèllende taole lierde, waor bezoonder gereurd door 't Fins. De sjoenheid en elegantie vaan dees taol inspireerde häöm tot 't sjöppe vaan 'n kunstaol. 't Quenya heet daan ouch väöl vaan de fonologie en grammair vaan 't Fins euvergenome.
[bewirk] Grammair
[bewirk] Substantieve
De substantieve höbbe gei geslechte. Ze weure in twie getalle en nege of tien (aofhenkelek vaan periode en dialek) naomvalle. 't Bestump artikel is in alle naomvalle i, dao is gein oonbestump artikel.
[bewirk] Verbe
't Quenya kint vief tije: presens, imperfect, perfect, touwkoumenden tied en aoristus.
[bewirk] Veurbild
Väöl veurbeelde zien te vinde in 't werk vaan Tolkien; um copyright-rejes mote veer dao veurziechteg mèt zien. 't Bekindste veurbeeld is de begroeting vaan Frodo aon e paor elfe: Elen síla lúmenn' omentilimo "'n Staar sjijnt op 't oor vaan eus ontmoting".
