Pieke Dassen
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Pieke Dassen (gebore in Rotterdam 23 september 1926 en gesjtorve op 19 april 2007 in Mestreech) waor 'ne kunssjilder en bekènde poepesjpeler. Ziene pap kaom oet Mestreech en zien mam oet Rotterdam. Op zien veerde verhuusde hae nao Mestreech. Hae volgde hie de Kunsnijverheidssjoal (Sjtadsacademie).
[bewirk] Poepesjpeler
Es poepesjpeler ies hae begoes aan 't poepetheater Het kleine wereldtoneel van Jan Nelissen. In 1953 naom Pieke Dassen de Poesjenellekelder euver, woa hae ies gebleve tot 1967. Hae woort toen d'r oet gezat umdat hae te väöl politiek in zien poepekasverhaole zou verwèrke. De poesjenellekelder woort toen boewvallig verklaord.
[bewirk] Film en toneel
In 1968 sjpeelde hae de hoofrol in de film Vaarwel.
Pieke Dassen waor ouch bekènd van de televisie, veural es de clown August in de serie "Film van Ome Willem", die oetgezónde woort tösje 1974 en 1991.
[bewirk] Beeldend kunstenaer
Pieke Dassen maakde illustraties bie de columns van Frans Brunklaus in de Nieuwe Limburger.
Daoneve maakde hae cartoons veur katholieke opdrachgeversj, zoa es 't weekblaad Credo of de missiepatersj in Arce.
Dassen maakde 'n groat aantal carnavalssjilderieje, o.m. in Mestreechse cafés. In 2003 waor d'r 'n euverziechstentoansjtèlling van zien werk veur café De Pieter in Centre Céramique.
'n Book mèt 'n besjrieving van zien leve en werk kump (postuum) oet in 2007.
Pieke Dassen waor, nao z'n eige zègke, 't meis: kunssjilder.
