Net Frederix-Delahaye
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Net Frederix-Delahaye waor 'n diechteres oet Termaar, die sjreef in häör eige dialek. Zie ies gebore in Termaar es Maria Catharina Helena (Jeanette) Delahaye in 18 augustus 1914 en gesjtorve in Heerle op 22 februari 1969.
Ouch häöre broor Huub Delahaye en häör zuuster Maria Hoen-Delahaye sjreve in 't dialek van dat gehuchske vlakbie Klumme.
'ne Andere broor waor Albert Delahaye (archivaris en historicus).
[bewirk] Werk
- Ze publiceerde 'n paar van häör verhäölkes en gediechte in 't weekblaad Het Land van Valkenburg ('t Gezètsje).
- Publikatie van 'n verhäölke in de bloomlezing Rierank van Veldeke-Valkeberg in 1992
[bewirk] Sjtäölke
Es bezeuk kaom, woeërt 't good servies oet de kas gehaold. Da mótte zich de aw tasse neet op hun naze, meh op hun oëre höbbe gekeke, es se nog 'n oeër hawwe.
Este good loesterdes , kóste ze huuëre rawwele in 't körfke: "Züste vieër zint mer good vuuër in de waek en vuuër in die aw pötbaar te sjrómpe. Meh, es eine op bezeuk kömpt, kómme die gruuëtsje dinger oet de kas oppen taofel te sjtao".
Dao kaom de awste tas oet 't körfke uuëvering en zag: "Och kinger hat uch sjtil. Es die gówwe allenej d'r nak gebraoke höbbe, zint 'r van ós saort nog ummer dao".
oet: 't Tassekörfke. Rierank 1992