Marino Keulen
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
Marino Ghislainus Keulen (24 oktober 1963) is 'ne Vlamsje politicus vör de VLD.
Inhawd |
[bewirk] Biografie
In 1995 kieëm Keulen 't Vlamsj parlemaent binne. Nao 'n hersjikking van de Vlamsje regering in 2003 noom-e d'r ministersfakkel över van Guy Vanhengel. Wonne, Media en Sjport zeunt dan z'n bevoegdhede.
Nao de verkezinge van 2004 moeg-e in taegensjtèlling töt ziene VLD-collega Patricia Ceysens z'n aanwezigheed in de Vlamsje regering verlenge. Binnenlandse Zake, Wonne en Inburgering behure töt z'ne portefeuille.
In 2005 waoërt Marino Keulen verkaoze töt d'r mèts sexy Vlamsje politicus ooëts dör 'n Durex-enquête.
Vör d'r minister van inburgering is eind oktober 2007 de maot evvel al vool in 't dossier van de beneuming van de democratisch verkaoze börgemèèsters van de driej facilitètegemèngdes Linkebeek, Kraainem en Wezembeek-Oppem. Zie zulle wellich noeëts beneumd werre dör de sjending van de taalwètgaeving dör Fraans te kalle in d'r gemèngderaod en de övvertraejing van de, dör Keulen èges mèt d'r Róndsjtuurbreef-Keulen va 2003 aa-gepaasde, keeswèt dör naeve Nederlandstalige ooch Franstalige sjtèmoprope te versjikke. Vör d'r minister haant de börgemèèsters de Rubicon övvergesjtaoëke. E Sjtèlde dao-övver dat: "De dossiers tegen de drie kandidaat-burgemeesters niet licht zijn. Ik ben het beu. Ik ben het spuugzat! Ik heb alle dossiers opgevraagd en zal daarna mijn beslissing nemen." [1]
[bewirk] VN bezörgd över de Wooncode
In maart 2008 sjprèkt de VN zich oet över de Vlamsje wooncode in 't sociaal huisvestingsbeleid van minister Keulen. Dis code laet 'ne taaltest op an potentieël bewoners en verplicht hön Nederlands te lieëre es ze dat neet kènne, wille ze in aanmerking kaome vör 'n woning. De motivatie va Keule: [2]
[bewirk] Speelpleinwerking allèng vör kinger die Nederlands kènne flöt Keule truuk
Eind maart nèmt 'n Vlamsje jeugdvereniging in häör statute op dat kènger, die mèt wille doeë an de speelpleinwerking tiedens de vakaans, Nederlands motte kènne öm veilighèèdsraejes. Keule zaet dat alle keender motte kènne mètdoeë an jeugdaktivitète en eist dat die statute verenderd werre.[3]
[bewirk] Politiek curriculum
- Gemèngderaodslid in Laoneke (1989-huuj)
- Sjaeëpe in Laoneke (1995-2000)
- Provincieraodslid in Belsj Limburg (1994-1995)
- Volksvertegenwoordiger in Vlaandere (1995-2003)
- Vlamsj Minister Va Binnenlands Besjtuur, Sjtedebeleid, Wonne en Inburgering (2003- )
- Väörzitter gemèngderaod Laoneke (2007-huuj)
[bewirk] Referenties
- ↑ Börgemèèsters in d'r Raand wellich noeëts beneumd
- ↑ Reaktie Keulen op bezörgdhèèd VN över wooncode
- ↑ Taaleis mot oet statute jeugdvereniging
[bewirk] Externe links
- Marino Keulen officieel website
- Minister Marino Keulen website över z'n bevoegdhede en z'n kabinet
