Geldermalsen

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan Geldermalsen in Gelderland

Geldermalsen is e dörp en 'n gemeinte in de Nederlandse provincie Gelderland, in de Betuwe, mèt 'n oppervlak vaan 101,67 km² (daovaan 1,97 km² water) en (per 1 januari 2007) 26.241 inwoeners. Binne de gemeinte ligke de kerne Acquoy, Beesd, Buurmalsen, Deil, Enspijk, Geldermalsen, Gellicum, Meteren, Rhenoy, Rumpt en Tricht.

[bewirk] Gemeintefuncties

Geldermalsen ligk op de krusing vaan de Betuwelijn vaan Dordrech nao Elst en de spoorweeg vaan Utrei nao De Bos. Ouch de nui Betuweroute löp door de gemeinte. Daobei kruse de rieksweeg A2 en A15 ziech in dees gemeinte. Um 't lendelek karakter vaan de gemeinte te bewaore streef 't gemeintebestuur denao 't aontal industrieel vesteginge te beperke. Zoedoende is 't economisch belaank vaan Geldermalsen neet zoe groet wie dat vaan de naoberplaotse Culemborg, Tiel en Zaltbommel.

[bewirk] Dörpsgeziech

Geldermalsen is e groet dörp mèt e paar nuibouwwieke. In 't centrumke vint me nog väöl dörpse bebouwing, boe-oonder e gotisch kèrkske. Tricht en Buurmalsen, die aon d'n aandere kant vaan 't revierke de Linge ligke, zien aon Geldermalsen vasgegreujd. In de umgeving gief 't väöl bóngerde.

[bewirk] Historie

In 850 weurt de plaots Buurmalsen geneump, de vermelding es Uberan Malsna veroonderstèlt ouch 'n aander plaots mèt de naom Malsen; dit zouw daan Geldermalsen mote zien gewees. De later naome zien te verklaore oet de twie versjèllende hiere euver de dörper: Geldermalsen huurde bij Gelder, Buurmalsen waor bezit vaan de graof vaan Buren. In 1978 woorte de gemeintes Buurmalsen, Beesd en Deil aon Geldermalsen touwgevoog.