Deuteronomium
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Deuteronomium is 't vijfde book vaan de Biebel en 't lèste vaan de Pentateuch of Thora. De titel hèlt in "twiede wèt" en is 'n vertaolfout, meh dèk de laojing good: in 't book Deuteronomium weure veural de gebojer vaan de Hier aon 't Joedse volk herhaold. De Hebreeuwse naom is דברים. Oondanks de titel vijfde book vaan Mozes meint me ouch in orthodoxe kring algemein tot in eder geval de lèste sjapiters, die Mozes zienen doed besjrieve, door Jozua gesjreve zien.
Beröch is sjapiter 7, wat tot väöl intolerantie tösse Joede en aander volker geleid heet, en soms es kèrn vaan 't antisemitisme gezeen weurt.
[bewirk] Inhajd
De ierste veer sjapiters geve 'n samevatting van wat de aofgeloupe veerteg jaor gebäörd is, gelardeerd mèt vermaninge tot gaodsvrezendheid. In sjapiter 5 weure de Tien Gebojer herhaold, boenao nog väöl ander gebojer volge; euver d'n umgaank mèt ander volker (7), 't in tije vaan veurspood godsvrezend blieve (8), en de wiesheid tot geheurzaomheid beloend weurt (10, 11). In sjapiter 12-26 weure al regele die gèlde veur es de Joede al in Kanaän zien aongekoume herhaold. Sjapiter 27 instrueert de rituele die nao 't euversteke vaan de Jordaan mote gebäöre, en vaan 28 t/m 30 volg nog e verhandeling euver benedictie en maledictie. Mozes, volges 't book inmiddels 120 jaor aajd, regelt zien opvolging, Jozua (31), zingk nog e lofleed (32), sprik de benedictie euver al stamme oet (33) en stèrf (34).
[bewirk] Externe link
- דְּבָרִים Devarim, Deuteronomium op 't orzjineel Hebreeuws, mèt Ingelse vertaoling
| Biebel: Aajd Testamint - Nui Testamint |
|---|
| Genesis | Exodus | Leviticus | Numeri | Deuteronomium | Jozua | Riechters | Ruth | 1Samuel | 2Samuel | 1Keuninge | 2Keuninge | 1Kronieke | 2Kronieke | Ezra | Nehemia | Esther | Job | Psame | Spräöke | Prediker | Kantieke | Jesaja | Jeremias | Lamentaties | Ezechiël | Daniël | Hosea | Joël | Amos | Obadias | Jonas | Micha | Nahum | Habakuk | Sefania | Haggai | Zacharias | Maleachi |
