Demer
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
De Demer ies 'n rivier in Belsj, die sjtruimp door de provincies Limburg en Vlaams-Brabant. De Demer óntsjprink in Ketsinge bie Berg in de gemeinte Tóngere. Ièrsj sjtruimp de rivier nao 't noorde, en buig dan bie Bilze aaf nao 't weste. Belangrieke plaatse aan de Demer zint wiejer Hasselt, Hôle, Diest, Zichem en Aarschot. Bie Werchter sjtruimp de rivier in de Dijle. De Demer ies ónbevaarbaar.
Zieriviere van de Demer zint de Herk, de Velpe, en de Gete, die alledrie bie Hôle in de Demer sjtruime, en de de Zjwarte Beek.
De Demervallei ies e moerassig gebeed, mèt brookbösje (bieveurbeeld 't Schulens broek), vochtige weie op de hoager deile en groate zones mèt populiereaanplantinge. In de naatste deile van de vallei ies de grónd hièl vochtig en venig; 't geuf 'n zjwarte zómpige laog woadoor de vallei neet gesjiek ies veur landboew. Langs de Demer en ouw meandersj liegke reetvelde en bösjkes. 't Gebeed haet 'n groate ecologische waerde: d'r kómme versjillende zeldzaam plante- en deersoorte veur.
[bewirk] Externe link
 |
Commons: Category:Demer – Media gerelateerd aan dit óngerwerp |
