Bläck Fööss
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
De Bläck Fööss ('bloate veut') ies 'n band oet Kölle, die zink in 't Kölsj. De band ies opgeriech in 1970 en ies allewiel ein van de bekèndste bands van Kölle in hun genre. De groep ies belangriek gewaes veur de herwaardering van 't Kölsj plat in de jaore 70.
't Repertoir besjteit neve vastelaovesnummersj oet schlagersj en pop. In 1985 houwe de Bläck Fööss 'n landelike hit in Duutsjland mèt 't leed Frankreich, Frankreich.
[bewirk] Bandlede
- Karl Friedrich "Kafi" Biermann, zank, gitaar, sjlaagwerk (saer 1995)
- Ralph Gusovius, sjlaagwerk, accordeon, zank (saer 1995)
- Günther "Bömmel" Lückerath, gitaar, banjo, mandoline, vioal, zank (saer 1970)
- Hartmut Priess, basgitaar, gitaar, mandoline (saer 1970)
- Peter Schütten, zank, sjlaagwerk (saer 1970)
- Erry Stoklosa, gitaar, sjlaagwerk, zank (saer 1970)
- Andreas Wegener, piano, synthesizer, accordeon, zank (saer 2005)
In 1994 haet Tommy Engel, dae vanaaf 't begin bie de groep waor, de band verlaote. Willy Schnitzler moos vanwege artrose in zien heng in 2005 ophouwte en woort opgevolg door Wegener.
