Benny Neyman
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Benny Neyman (9 juni 1951 - 7 februari 2008) waor 'ne in Nederland, Vlaandere en Duutsjlaand bekènde zenger. Heer is gebore in Mestreech. Begin jaore '70 volgde heer 'n opleijing aon de Kleinkunst Academie in Amsterdam. In de twiede hèlf vaan de jaore '70 braok heer langsaam door, mèr zien ierste groete hit scoorde heer pas in 1980 mèt 't nommer Ik weet niet hoe. In 1985 scoorde Benny Neyman zien groetste hit. Mèt Waarom fluister ik je naam nog haolde heer de ierste plaots in de Hollandse hitparades. Conny Vandenbos waor ziene mentor.
Z'n örsjte suksesse behool-e mèt èèges vertaalde chansons va Reinhard Mey, Stefan Sulke en Joe Dassin, zengere die in Nederland doe nog neet zoe bekand waore. Later makde-e allèng èège waerk. In 1983 brach e in Duutsjlaand 't album Skizzen op d'r maart, gevolgd dör 'n album in '87 en '94. Dan ruf ich wieder deinen Namen waor 1985 ooch in Duutsjlaand 'ne groeëte hit. Vaanaof de twiede hèlf vaan de jaore '80 scoorde Benny Neyman gein groete hits mier. Wel brach heer nog 'n groet aontal albums oet, die good verkochte en heer had 'n aontal succesvol theatertoernees. In 1996 ontving heer 'n 'Gouden Harp'. Heer maakde in 2004 'n cd in 't Mestreechs, Trök nao Blouwdörrep. Oooch zong-e ènkele èngelsjtalig duete mèt de froontvrow va Pussycat, Toni Willé.
In 2005 zong Neyman same mèt 't orkes van André Rieu op 't Vriethof z'n Ode an Mestreech in de vief tale, t.w. Nederlands, Duutsj, Ingelsj, Fraans en Limburgs. Z'n lètste optraeje in december 2007 waor 'n hommage an Vandenbos.
Op 7 februari 2008 storf heer aon de gevolge vaan de kanker.
[bewirk] Bron
- Dees informasie kùmp rechstreeks vaan de Hollandse Wikipedia en Duutsje wikipedia
