Putty Stein
Vu Wikipedia, der fräier Enzyklopedie.
De Pierre Ernest Théodore Stein, genannt Putty Stein (nom Zweete Weltkrich Poutty), gebuer de 16. Abrëll 1888 zu Bierg an der Gemeng Bierg (zënter 1991 Kolmer-Bierg), a gestuerwen den 23. Dezember 1955 an der Stad Lëtzebuerg, war e lëtzebuergesche Schrëftsteller. Bekannt ass hie ginn duerch seng Gedichter op Lëtzebuergesch, déi hien, wéi den Auguste Liesch, an enger zolidder Sprooch geschriwwen huet.
[Änneren] Säi Liewen
De Putty Stein hat ee Studium als Forstingenieur zu München gemeet, hat awer keen Ofschlossdiplom an huet dun eng Zäit an enger ënneschter Carrière op der Forstverwaltung geschafft. Spéider huet hie bei d'ARBED gewiesselt a war do vun 1920 un Attaché de Direction.
[Änneren] Säi Wierk
- Dem Poutty Stein seng bescht Liddercher. Als Manuskript gedréckt, Texter goufen zesummegestallt vum "Péiter Faber", 1. Oplo 1959, 1973 koum eng nei Editioun eraus. Den Titel vun deem Bichelchen ass net einfach ze definéieren: Um Réck vum Buch steet: "Poutty Stein - Seng bescht Liddercher" ; um Titelbild "dem Poutty Stein seng bescht Liddercher".
- Ëmmer owes, wann et stëll get op d'Weis vun An der Donau wenn der Wein blüht , 1943
- Nationalmarsch, mam Refrain:
- "Du meng Heemecht, Lëtzebureg,
- Staark am Soff, mee soss net ureg
- Huewermiel gët Huewerpangkuch
- ..."
- D'Hamster kommen, op d'Weis vun Monsieur Trottin
- D'Fescher an d'Jeer, (1939) (gesammelt fir den Saint-Hubert-Club)
- Vu Cuba erëm
- De Bumski an ech
[Änneren] Literatur
- Guy Schons: Putty Stein 1888-1955 und die populäre Musik seiner Zeit Band 1, 2,3. , Eegeverlag Guy Schons. Eng groussarteg recherchéiert a presentéiert Biographie, déi en ausféierlechen Bléck op de Putty Stein a senger Zäit bitt.
- Jules Mersch: Les Hastert du Grund an der Biographie Nationale, fascicule 1962 XI, S. 25 ff. (Biographesch Eenzelheeten iwwer de Poutty Stein)
- Fernand Hoffmann: Geschichte der Luxemburger Mundartdichtung. (1964 a 1967), Dréckerei Bourg-Bourger, (Zwéi Bänn)
