Himalaya

Vu Wikipedia, der fräier Enzyklopedie.

Den Himalaya (aus dem Sanskrit: हिमालय, himālaya, zesummegesat aus hima „Schnéi“ an alaya „Plaz, Wunneng“) ass déi gréisste Biergerketten op der Äerd. E läit an Asien nërdlech vum Indesche Subkontinent.

Am Himalaya sinn déi héchste Bierger vun der Welt, déi sou genannten Aachtdausender. D'Spëtzte vum Mount Everest, Lhotse, Cho Oyu a Makalu si wäit bekannt.

[Änneren] Geologie

Den Himalaya gehéiert, mat den Anden an de Rocky Mountains, zu deene jéngste Biergketten. Viru ronn 80 Mio. Joer louch déi Indesch Plack ronn 6.400 km südlech vun Asien. Mat enger Vitesse vun 9 Meter am Joerhonnert ass si no Norde geréckelt an ass am Paläogen, viru 40 bis 50 Mio. Joer, mat Eurasien kollidéiert. Zënterhir ass deen Driff just nach mat halwer Vitesse, duerch den Drock gouf (a gëtt nach ëmmer) dat no uewe gedréckt, wat haut den Himalaya ass. D'Erosioun bewierkt, datt d'Héicht vun de Bierger plus ou moins d'selwecht bleift.

[Änneren] Geographie

Den Himalaya besteet am Fong aus ville verschiddene Biergketten, déi vu Süden no Norde méi héich ginn. Am Süde läit d'Siwalikketten, woudrop nach Bëscher sinn. Nërdlech dovunner kënnt dann de Viischten Himalaya, an nach méi nërdlech dann den Héich-Himalaya

D'Gletschere vum Himalaya zielen zu deene gréissten op der Welt. Den Himalaya spillt eng wichteg Roll fir d'Klima vum indesche Subkontinent a vum tibetesche Plateau.

Am Himalaya leien och d'Quelle vun enger Rëtsch Flëss, dorënner de Giele Floss, de Jangtse, den Irrawaddy, de Mekong, den Indus an de Brahmaputra.