Carbonmillen
Vu Wikipedia, der fräier Enzyklopedie.
D' Carbonmillen zu Ëlwen war eng vun de seelene Millen zu Lëtzebuerg , déi ni vum Waasser ugedriwwe gouf.
Et war de Pierre Carbon-Mersch, deen am Joer 1879 eng kleng Millen an e Lager mat Bäckerei zu Ëlwen a Betrib geholl huet. Vun Ufank un ass d'Mille mat Dieselmotore gedriwwe ginn. 1914 huet den Nicolas Carbon d'Millen iwwerholl. No der Elektrifizéierung vun deem Deel vum Land duerch d' Cegedel gouf vun 1929 un d'Millerieder elektresch gedriwwen.
Fir ze muelen hat d'Millen e Schroutmillewierk a siwe Walzestill fir méi rengt Miel. Domat konnte bal 20 Tonne bannent 24 Stonne verschafft ginn.
Bei der Ardennenoffensiv koum et den 21. Dezember 1944 beim däitsche Réckzuch virun den Amerikaner dozou, datt en däitsche Sprengkommando déi ganz Mille sollt an d'Luucht sprengen, fir den Alliéierten den Duerchbroch duerch Ëlwen onméglech ze maachen. De Mëller huet et awer fäerdegbruecht de Responsablen dovun z'iwwerzeegen, datt d'Millen iwwerliewenswichteg wier fir d'Awunner vun der ganzer Géigend.
De 17. Dezember 1961 gouf d'Millen duerch e Groussbrand bannenan total zerstéiert a gouf net méi opgebaut.
