Bandikurat
Vu Wikipedia, der fräier Enzyklopedie.
D' Bandikurate si Raten a Südostasien. Si kënne bis 60 cm laang ginn, a bis 1,5 Kilo schwéier. Um Réck si se hellgro, brong oder schwaarz an ënner dëm Bauch knaschtegwäiss.
D'Bandikurate gruewen ënnerierdesch Gebaier, mat hire viischte Patten, déi grouss Krallen hunn. An dëse Gebaier, déi mateneen duerch Gäng verbonne sinn, sinn eng Schlofkummer an e puer Kummere fir Fudderreserven. De lassene Buedem gëtt aus dem Bau transportéiert an opgekéipt. Als Fudder sammelen se Friichten, Kären a Knollen.
Si verloossen hire Bau prakresch nëmmen nuets, a wann se gestéiert ginn da ginn se e schaarfen helle Toun vu sech.
D'Bandikurate gehéieren a Südostasien zu deeene geféierlechsten a schiedlechste Knabberdéieren.
Zwou Aarte sinn Iwwerdréier vu Krankheeten:
- Déi eigentlech Bandikurat (Bandicota indica) iwwerdréit d' Leptospiros.
- D'Indesch Pescht- oder Maulefsrat (Bandicota bengalensis) ass andauernd vun der Pescht infizéiert.
