Silicon Wadi

De Wikipedia

Se le yama Silicon Wadi (en ivrit עמק הסיליקון‎, emek haSilikon, Valey del Silisio) a la yanura kostera de Yisrael, la ke reune una alta konsentrasion de entreprisas de alta teknolojiya, del mismo modo ke el Silicon Valley en Kalifornia, Estados Unidos. Mas espesifikamente, se refiere al area alrededor del Gran Tel Aviv o Gush Dan, inkluyendo las sivdades de Ra'anana, Herzliya, Cesarea, Haifa i algumas vezes, el sentro akademico de Rehovot i ma resientemente Yerushalayim kon los sus muevos parkos teknolojikos en Malha i Har Hotzvim, donde esta el IBM Content Discovery Engineering Team ^[1].

Tabla de contenidos 1 Una rejion teknolojika ke okupa todo el paez 2 Evolusion de la Industria de Teknologiya en Medinat Yisrael 3 La importansia de los emprendedores en la industria yisraeli de TI 4 Referensias 5 Enlasos eksternos

[editar] Una rejion teknolojika ke okupa todo el paez

Munshas kompanyias de alta teknolojiya de todo el mundo tyenen sentros de investigasion i dezvelopamiento en esta rejion, komo Intel, IBM, Cisco Systems, SAP, Philips, Hewlett-Packard, AOL, Microsoft, Motorola i Computer Associates, endemas de ke munshas kompanyias Israelis de alta teknolojiya tienen las sus sedes en la rejiyon, komo Zoran Corporation, CEVA Inc, Aladdin Knowledge Systems, NICE Systems, Horizon Semiconductors, Radware, Tadiran Telecom, Radvision, Check Point Software Technologies, Amdocs, Babylon Ltd., Elbit, Israel Aircraft Industries, la fabrikante de ekipos de jenerasion de enerjiya solar Solel i sentros de I+D lokales como el Instituto Weizmann de Siensias i el Technion en Haifa. Munshas de estas empresas estan enlistadas en el NASDAQ, ke inkluso tyene un indise para las kompanyias Israelis yamado Israel Index. Es por este ke Israel es munshas vezes yamado el Silicon Wadi i es dosen a nivel mundial, dempues del Silicon Valley en el nivel de la innovasion de los sus produktos y dezvelopos. De fákto, la magazin Newsweek listo resientemente a Tel-Aviv komo una de las 10 sivdades de mas alta teknologiya^[2]. Intel dezvelopo el su nuevo prosesador de doble nukleo Core Duo en el su sentro de investigasion ubikado en el Merkaz Ta'asiya ve'Meida (Sentro de Industrias Sientifikas) en Haifa ^[3]. En 2006, maz de 3.000 kompanyias startup fueron kriadas en Yisrael, un numero ke es el dosen mas alto del mundo, dempues de Estados Unidos, kon una povlasion 40 vezes mayor^[4].

[editar] Evolusion de la Industria de Teknologiya en Medinat Yisrael

Por mas de 40 anyos, la demanda lokal estimulo la ekspansion teknolojika israeli, no solu por módre la kresyente demanda de produktos militares de avansada teknolojiya, sino endemas déke el estandar de vida de la povlasion se fue amijorando rapidamente i por konsekuensa, maz resientemente esta demanda se engrandesio ayinda maz kon la demanda mundial de ekipos teknolojikamente avansados, sistemas de software de defensa, ekipos elektronikos i otros ke an estimulado aun mas el dezvelopamiento de la industria lokal. El nivel de dezvelopamiento teknolojiko de Yisrael i el su status komo impulsador de muevas teknolojiyas es el resultado del su enfasis en la edukasion universitaria, investigasyon y dezvelopamiento en todas las areas. El governo yisraeli endemás estimula el dezvelopamiento industrial ofresyendo kreditos kon muy basho interes, kon fondos del presupuesto nasional para el dezvelopamiento. Yisrael okupa el treser lugar en gasto en Investigasion i dezvelopamiento a nivel mundial, el oshen en preparasion teknolojika (de akodro al gasto de las sus kompanyias en I+D, endemas de la kriatividad de la su komunita sientifika, el grande numero de kompúters i el indise de uzo de Internet), el dyezen primér en innovasion, el dyezen sinken en eksportasiones de alta teknolojiya i el dyezen seten en parvenos teknolojikos en la lista Nation Master de payises en el mundo por estandares ekonomikos. Egziste un fenomeno uniko en Yisrael i es la egzistensia del buró del Sientifiko Shef en el Ministerio de Industria i Komersio, ke entrega subzidios y ajudas ekonomikas (ke suman un total de kaji US$400 milyones) para munshos i variados proyektos de teknolojiya. Akeyos proyektos ke sean egzitosos jeneraran ganansias a esta buró por un sierto numero de anyos, paras ke seran dempues reinvertido en otros proyektos ^[5]. Una de las prinsipales limitantes ke tyene la industria de alta teknolojiya israeli es la poka materia prima lokal i de fuentes de enerjiya limitadas, endemas del tamanyo limitado del merkádo lokal.

[editar] La importansia de los emprendedores en la industria yisraeli de TI

Una ventaja de Yisrael frente a otras rejiones de dezvelopamiento i produksion de alta teknolojiya komo Bangalore, el Gran Helsinki i Dublín, es ke munshos israelis ke egresan de las universitás krian startups i se konverten en entreprisaryos djovines de la industria de la TI, ansina bushkando lavorar en las sus proprias kompanyias, puede ser asta el doble numerikamente ke los sus pares de Estados Unidos, los ke tienden a estar mas atrayidos a empiegos tradisionales, asigun Charles Holloway, ko-direktor del Sentro para Estudios Innovadores i profesór de posgrado de la Universitá de Stanford ^[6]. Dos programadores israelis del Technion, Zeev Suraski i Andi Gutmans, reeskrivieron el analisador sintaktiko (parser en inglez) enel anyo 1997 i kriaron la base del PHP3, trokando el nombre del lashón a la forma aktual. Inmediatamente empesaron eksperimentasiones puvlikas de PHP3 i fue puvlikado ofisialmente en Djúnio de 1998. Para el anyo 1999, Suraski i Gutmans reeskrivieron el kodigo de PHP, produsiendo lo ke oy endia se konose komo Zend Engine o motor Zend, una kombinasion de los sus nombres, Zeev i Andi. A la su vez, fondaron Zend Technologies en Ramat Gan; por otro lado, el programa de mesajeriya instantanea ICQ es uno de los produktos de software israelis mas konosidos enel mundo, i fue dezvelopado por katro djovines emprendedores: Arik Vardi, Yair Goldfinger, Sefi Vigiser i Amnon Amir^[7], por tan solo mensionar dos egzempios.

[editar] Referensias

[editar] Enlasos eksternos

• El Silicon Wadi de Yisrael: Las forsas detras de la formasion de los klusteres (en inglez) - Por Catherine de Fontenay i Erran Carmel, Djúnio de 2002
• Oportunitas de Alta teknolojiya en Yisrael (en inglez) - Ministerio Israeli de Relasiones Eksteriores, Mayo de 2002
• Wireless Valley, Silicon Wadi i Digital Island – Helsinki, Tel Aviv y Dublin i las provas de kapasidades de las redes de produksion de los ICT: El rol de los valores y las aktitudes evaluativas (en inglez) - Por Stephen Roper i Seamus Grimes, Marzo de 2005
• Portal de Siensia y Teknolojiya en Israel
• Alta Tecnologia nella Silicon Wadi. Andrea Lawendel, LineaEDP (en italiano)
• Israel's new economic challenge. Dominic Casciani, BBC News (en inglez)
• American University: Information and Communication Technology in Israel (en inglez)