Veni Sancte Spiritus

E Vicipaedia

Veni Sancte Spiritus nomen est hymni et precis, quae auxilium Spiritus Sancti rogat.

Prex Stephano Langton (circiter 1150- 1228) - theologo archiepiscopo Canturiae (Anglice Canterbury) ac cardinali - attribuitur.

[recensere] Textus

Verba huius precis sunt:

Veni Sancte Spiritus,

Reple Tuorum corda fidelium et Tui amoris in eis ignem accende.

V. Emitte Spiritum Tuum, et creabuntur.

R. Et renovabis faciem terrae.

Oremus.

Deus, Qui corda fidelium Sancti Spiritus illustratione docuisti, da nobis in eodem Spiritu recta sapere, et de Ejus semper consolatione gaudere.

Per Christum Dominum nostrum.

Amen.

[recensere] Sequentia

Veni, Sancte Spiritus,

Et emitte caelitus

Lucis Tuae radium.

Veni, Pater pauperum,

Veni, dator munerum,

Veni, lumen cordium.

Consolator optime,

Dulcis hospes animae,

Dulce refrigerium.

In labore requies,

In aestu temperies,

In fletu solatium.

O lux beatissima,

Reple cordis intima

Tuorum fidelium.

Sine Tuo numine,

Nihil est in homine,

Nihil est innoxium.

Lava quod est sordidum,

Riga quod est aridum,

Sana quod est saucium.

Flecte quod est rigidum,

Fove quod est frigidum,

Rege quod est devium.

Da Tuis fidelibus,

In Te confidentibus,

Sacrum septenarium.

Da virtutis meritum

Da salutis exitum,

Da perenne gaudium.

Amen.

Alleluia .

---

Veni Creator Spiritus (free musica)