Tifernum Tiberinum
E Vicipaedia
Insigne | |
---|---|
Nomen Latinum: | Tifernum Tiberinum |
Nomen locale: | Città di Castello |
Nomen Italicum: | Città di Castello |
[[Imago:|300px]] | |
Indicia fundamentalia | |
Terra: | Italia |
Provincia: | Perusia |
Regio: | Umbria |
Coordinata geographica: | 43° 28′ 0″Sept., 12° 14′ 0″ Ort. |
Altitudo: | 288 supra mare |
Area: | 387 km² |
Numerus incolarum: | 39.492 (anno ) |
Spissitudo incolarum: | 98 per km² |
Numerus cursualis: | a 06012 usque ad 06018 |
Praefixum telephonicum: | 075 |
Numerus tributarius: | C745 |
ISTAT-Regio: | 054013 |
Pagina interretialis: | Pagina officialis |
Res aliae | |
Patronus: | Floridus |
Dies sollemnis: | 13 Novembris |
Tifernum Tiberinum[1] (Italice: Città di Castello 'civitas castelli') est urbs circiter 40,000 incolarum in provincia Perusiae et in regione mediae Italiae Umbria.
[recensere] Historia
Apud Tifernum Tiberinum Gaius Plinius Caecilius Secundus, vel Plinius minor, patronus Tiferni, villam amoenam tenuit, cuius vestigia adhuc exstant apud collem qui usque ad nostra tempora Plinius vocatur (italice Colle Plinio). Tifernum Plinius in suis epistulis (4,1,4) his verbis memorat: "Oppidum est praediis nostris vicinum, nomen Tiferni Tiberini, quod me paene adhuc puerum patronum cooptavit." Quod oppidum Totila Gothorum rex circiter anno 550 diruit, Floridus autem episcopus rursus aedificavit nominavitque castellum, id est parvum castrum, ob quam causam nunc italice Città di Castello vel tantum Castello urbem appellamus. Postea Langobardi Castrum Felicitatis illud oppidum nominaverunt. Saeculis XIII et XIV leges et instituta liberi communis et populi Civitatis Castelli maxime floruerunt; saeculis XV et XVI Vitelli gens rerum potita est. Anno 1798 rerum mutatio a militiis Francogallicis excitata est, ideoque oppidum Primae Rei Publicae Romanae coniunctum est. Anno 1860 regno Italiae haec urbs addita est.Tifernum autem nunc est post multa saecula maxima urbs vallis superioris Tiberis. Maxime floruerunt et florent in hac urbe artes typographicae.
[recensere] Clari cives
- Gaius Plinius Caecilius Secundus, vel Plinius minor, Romanus scriptor, Tiferni Tiberini patronus
- Floridus, sanctus, episcopus
- Caelestinus II, papa, Tiferni Tiberini natus
- Nicolaus Vitelli, dux, pater patriae
- Karolus Liviero, episcopus
- Albertus Burri, pictor, Tiferni Tiberini natus
- Monica Bellucci, actrix scaenica, Tiferni Tiberini nata
[recensere] Notae
- ↑ en.wiki en:Città di Castello atque it.wiki it:Città di Castello
Haec stipula ad geographiam spectat. Amplifica, si potes! |