Arthurus Rex

E Vicipaedia

Arthurus^[1] rex (seu Arthur,^[2] Arturus,^[3] Arturius^[4]) celeberrimus est in mythologia Britannica ut exemplar optimi regis et bello et pace, sed multi pro incerto habent an re vera vixit necne.

Arthurus floruisse dicitur in saeculo VI, sed nomen Arthuri legitur in nullo fonte historico eius saeculi. Etiam Gildas, qui se natum praetendit eodem anno in quo proelium apud montem Badonicum pugnatum est, nomen ducis in hoc proelio omittit; Nennius autem, saeculo IX scribens, hoc proelium inter bella Arthuri nominat. Saeculis XI, XII, XIII multae mythistoriae de vita Arthuri scriptae sunt in Cambria, Francia, Anglia; id genus fabularum poetae Francicae Matière de Bretagne appellabant,^[5] scilicet "Res Britanniae".

Etiam titulus regis, a multis Arthuro datus, incertissimus est. In fontibus antiquioribus et praecipue Cambricis cognomen rex numquam gerit, sed potius dux bellorum et apud Cambris ameraudur ("imperator, id est dux militaris").

Index 1 Mythologia Arthuriana 2 Vide etiam 3 Notae 4 Nexus externi 5 Bibliographia

[recensere] Mythologia Arthuriana

Arthurus possedit spatham mirabilem, Caliburnum appellatam.

[recensere] Vide etiam

• Scriptores de rege Arthuro
• Libri de rege Arthuro

[recensere] Notae

1. ↑ Guillelmus Malmesburiensis, De gestis regum Anglorum 1.
2. ↑ Nennius, Historia Brittonum 56; Annales Cambriae.
3. ↑ Arturus seu Arcturus: Galfridus Monemutensis, Historia regum Britanniae 9.3 titulus.
4. ↑ Radulphus de Coggeshall, Chronicon Anglicanum; Iohannes Lelandus, Itinerarium.
5. ↑ Primo a Iohanne Bodel, Chanson de Saisnes, saeculo XII exeunte.

[recensere] Nexus externi

[recensere] Bibliographia

• Arthurian Literature in the Middle Ages ed. Roger S. Loomis. Oxoniae: Clarendon Press, 1959. ISBN 0-19-811588-1