Acidum desoxyribonucleicum
E Vicipaedia
Acidum Desoxyribonucleicum (DNA vel ADN) est materia in qua informatio genetica conservatur et profertur. DNA in nucleis cellularum omnium animalium et plantarum contingit. Structura chemica DNA a Iacobo Watson et Francisco Crick inventa est anno 1953.
Index |
[recensere] Nomenclatura et structura
Acidum nucleicum est compositum organicum quod Iohannes Fredericus Miescher a nucleis leucocytorum anno 1871 segregavit. Acidum nucleicum sic nominatur, quod habet originem in nucleis cellularum. Acidum nucleicum est polymerum partium nomine nucleotida.
Sunt duo acidi nucleici species: DNA (desoxyribonucleicum acidum) et RNA (ribonucleicum acidum), quae magnopere factispeciebus discrepant. Unumquodque nucleotidum componitur e base nitrogenata, spina saccharinale et radicali phosphato proveniente ex acido phosphorico (H3PO4). Ambo casibus, phosphatum vincit duo nucleotida aut per carbonum tertium aut per quintum, quamobrem si in una catenae extremitate carbo quintus est liber, necesse est in altera extremitate tertium carbonum esse liberum. Attamen spinae acidi DNA constant in saccharo desoxyriboso, spinae RNA in saccharo riboso. Bases nitrogenatae oriuntur e purina (adeninium et guaninium), vel e pyramidina (DNA: thyminium et cytosinium, RNA: uracilium et cytosinium). Huius modi bases a vinculis hydrogenicis iunguntur. Inter cytosinam et guaninam sunt dua vincula hydrogenica, sed inter adeninam et thyminam sunt tria. Ob has differentias, molecula RNA constat in singulo filo longo simplici, cum DNA constet in duobus filis forma duplicium helicarum.
[recensere] Functiones DNA
Sunt duae acidi desoxyribonucleici functiones:
-
- conservatio, duplicatio, et variatio (i.e., evolutio) informationis geneticae speciei uniuscuiusque,
- productio proteinorum, quae in duobus processis transcriptionis et translationis constat.
[recensere] Reduplicatio materiae geneticae
Quod ad informationes geneticas propagandas pertinet, reduplicatio DNA in statu metaphasis contigit, et sic fit: enzymum cui nomen est DNA-Polymerase, in initio helicam acidi desoxyribonucleici dividit. Postea nucleotida attrahuntur ad DNA quod nunc ex singula serie compositum est, et per vincula hydrogenica helicae formantur.
[recensere] Transcriptio DNA in RNA et translatio in proteina
Omnes cellulae proteinis utuntur ad suas functiones bene gerendas et ad se perpetuandum. Facultas proteinas fabricandi constat in duabus partibus:
-
- transciptio, qua DNA in acidum ribonucleicum (RNA) convertitur, et
- translatio, qua RNA in proteinum convertitur.
Transciptio in RNA est primus gradus per quem informationes geneticae in proteinis transferuntur. RNA in cellularum nucleo contingit, et in ribosomatibus. In nucleo transcriptio DNA in RNA maxime accidit, sed etiam in mitochondriis et in chloroplastibus.
Plurimum translationis RNA in proteinam in ribosomate (-atis, n.), particula plasmatica in cellula biologica, persequitur. Ribosomata sunt omnia divisa in partes duas, quae sunt maior atque minor subunitates.
Sunt variae formae RNA: mRNA, quod ribonucleicum nuntians est et nascitur in nucleo, informationem geneticam ad ribosomata ferens. Littera m in abbreviatione pro missaticum stat; missaticum e voce missum provenit. tRNA est acidum ribonucleicum transferens, quod in translatione genetica acidum aminicum fert. rRNA est pars ribosomatum, quae ex proteinis rRNA constant. rRNA, sicut omnes species RNA, transcriptione fit. Pro tempore nucleolis conditur. Deinde recipit proteinum, finguntque ribonucleotida, quae in cytoplasmate formant ribosomata.
[recensere] Vide etiam
