Ammilandt
Us de Wikipedia
Dat su jenanndt Ammiland_eß offizzjäll de United States of America oddo USA wo enne joode Däjl fun Nocht_Ammärrika bä_jehüüot.
Dat Land weed fass allejn vun Ammis bewunnd, noh dämm se de domohlije Ejnhejmishe, de Inndijanere, övver 150 Joohr lang fass all ömjebraat hatte. Di Ammis fun hück ze daach, dat sinn meerhäjtlish Noohfaare fun Lück, di_sijj_en Europa dorsh de Kood jemaat hann, un dann en Affrikka enjefalle senn un de Lück von doo jefange jenumme hann, un als Sklaave noh_m Ammilandt forshläpp hatte. Op dänne iier Pukkelle sin se rish jewoode, un sinn hügg_et rishßte Land op de Ääd.
Hück dunn se dat koum noch, weder Indijaner affschlaachte noch offizzjäll Sklave hallde, ävver se hallden sish sellve för de wishtishste op de Ääd, met Affshtandt! Un kumme diräck noh_m Leeve Jott un lang füür de sönstijje Minsche. Sujaa füür_em Paaps. Nidd_ens dä nämme se äänz. Zwa nänne se sesh Krisste, ävver se hann enne Houfe eijen Kirrshe en Ammilandt, un mieh odder winnijer jeede darf sish do enne Priißtor nänne, ävver enne Äsazpaaps hänn se sesh doch jejovve, dä nänne se de Präsidännt. Dä weed alle paa Joohr esu hallv demmokratish öm dräj Äkke eröm jewääldt. Wäjl ävver suwisu nuur aanträdde darref, wä jenooch Jelld un Ungerstözzung uß de Weetschaff kritt, eß datt met däm Wääle en Ourewesherej. Präsidänt weede bäj de Ammis koßß jät mieh, wi Nochtrhing_Wäßßfaale em Joohr ennimmp odder ußßjitt, dat häjß de Ußßwaal an Kandidaate eß jät ärrsh bejränz.
Wäjl de Ammis de wishtishßte Minnsche op de Ääd sinn, hann de anndere dänne untertan ze sinn. Dat loohße se och schpüüre, indämm dat se emmer ens widder enne Kreesh aanfange. Dobäj brenge se en de läzte zick houpsächlish Assijaate öm, ävver Stüür zaale aan Ammiland moß baahl de jannze Wälldt. Dat wat de Römer en Eufrasije öm dat Meddelmeer eröm jemaat han, wi se uns de Kulltur jebraat hann, dat sellve Shpell maache de Ammis hück fun Ammiland_uß en de jannze Ääd. Dänne ier Pollitiker bestemme, wä annderswo ier Statthallder sinn darrf, un wä inne jaa nit paß weet affjesäz odder ömjebraat, un kritt villäjsh si Lannd ußjebomp, wänn hä net jenooch un billish jenooch noh Ammiland verkoufe well, wat de Ammis jän funn_em han wulle.
Dä Artikel iss noh koot. Äwwä eä könnt bald_enz länger sinn, wenn do mithilfs.
Jlich aanpakke? Dann loß jonn!
- United States - from Wikimages - Wikipedia and Google Information and Images Collection.