Si Muḥand u Mḥand
Seg Wikipedia
Si Muḥand u Mḥand At Ḥammaduc, d amedyaz azwaw ilul di 1845 di taddart Icerɛiwen, yemmut di 1906. Baba-s Mḥand Amezyan U Ḥamaduc, i yellan seg Agemun, ibeddel tamurt ar Icerɛiwen i wakken ad yerwel af ttar. Deg 1857, lɛasker irumyen sarɣen taddart Icerɛiwen, deg umkan-is sbedden-d "Fort Napoléon" (tura d Laṛebɛa n At Yiraten).
Imawlan n Si Muḥand u Mḥand ruḥen ar Sidi Xlifa, di tama n Weqbu. Ɛemmi-s Cix Arezqi U Ḥamaduc, d amusnaw n tneslemt, isbed-ed yiwet n tmɛemmert (Zawiya), anda yesselmad Leqran.