Utuy Tatang Sontani
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Utuy Tatang Sontani (Cianjur, 1 Mei 1920 - Moskwa, 17 September 1979) punika sastrawan Angkatan 45 ingkang pinunjul.
Karyanipun ingkang kapisan inggih punika Tambera (versi bahasa Sunda 1937) satunggiling novel sajarah ingkang kadadosanipun wonten ing Kepulauan Maluku ing abad ka-17. Novel punika dipun amot wonten ing koran daerah basa Sunda Sipatahoenan lan Sinar Pasundan. Salajengipun Utuy nerbitaken kempalan carios cekak Orang-orang Sial (1951), ingkang dipun terasaken déning carios-carios lakonipun ingkang andmel piyambakipun dados misuwur. Lakon kapisan inggih punika (Suling lan Bunga Rumah Makan, 1948) dipun serat kadosdéné lakon biasa dipun serat, ananging piyambakipun lajeng nemokaken cara nyerat lakon ingkang unik, saéngga dados carios ingkang sekéca dipun waos. Ing antawis lakon-lakonipun ingkang misuwur inggoh punika Awal dan Mira (1952), Sajang Ada Orang Lain (1954), Di Langit Ada Bintang (1955), Sang Kuriang (1955), Selamat Djalan Anak Kufur (1956), Si Kabajan (1959), dan Tak Pernah Mendjadi Tua (1963).
Bab lan Paragraf |
[sunting] Kasèrèt arus politik jaman
Utuy dipun utus déning pamaréntah Indonesia ing taun 1958 minangka salah satunggiling wakil Indonesia wonten ing Konferensi Pengarang Asia-Afrika ingkang dipun wontenanken ing kitha Tashkent, Uzbekistan. Nalika hubungan politik Indonesia-Uni Soviet tansaya saé, kathah karya pengarang Indonesia ingkang dipun terjemahaken kan dipun diterbitaken ing basa Rusia, klebet ugi karya Utuy, "Tambera", ingkang dipun anggep nggambaraken semangat revolusi lan perjuangan rakyat. Sementawis, "Orang-Orang Sial", namung dipun terbitaken ing Tallin, nganggé basa Estonia, amargi dipun anggep pesimistik lan namung ngungkapaken sisi awon satunggiling revolusi.
Wonten ing 1 Oktober 1965 Utuy sesarengan kaliyan sawetawis pengarang lan wartawan Indonesia angrawuhi undangan pemerintah Tiongkok kanggé perayaan 1 Oktober ing Beijing. Pecahipun G30S ing taun 1965 ing Indonesia andadosaken Utuy lan rerèncanganipun kalunta-lunta ing manca nagari. Wangsul dhateng Indonesia kawatos manawi dipun tangkep lan dipun sangka ndhèrèk G30S, sepertos ingkang dipun alami déning kanc-kancanipun. Situasi tansaya angèl nalika ing RRT piyambak pecah Revolusi Kebudayaan ing taun 1966. Sebagéan tiyang Indonesia ingkang terdampar wonten ing Tiongkok wusananipun mutusaken ngantunaken nagari punika lan pindhah dhateng Eropa Barat kanthi numpang sepur Trans Siberia. Sebagéan penumpang mandhap ing Moskwa, kalebet Utuy lan sawetwis réncangipun, Kuslan Budiman, Rusdi Hermain, lan Soerjana, wartawan Harian Rakjat.
[sunting] Pindah dhateng Moskwa
Karawuhan Utuy ing Moskwa taun 1971 dipun sambut déning pamaréntah Uni Soviet lan masyarakat ilmiah ing mrika, utaminipun amargi nami Utuy sampun dipun kenal sanget déning karya-karya lan kahadiranipun wonten ing Konferensi Pengarang Asia-Afrika taun 1958. Utuy dipun suwun ngajar Basa lan Sastra Indonesia ing Moskwa. Salami wonten ing Moskwa piyambakipun ngasilaken sawetawis karya tulis, sakirang kirangipun sekawan novel lan tiga otobiografi ngatos sédanipun taun 1979 ing Moskwa. Salah satunggil novelipun ingkang dipun serat lan dipun terbitaken ing Moskwa inggih punika Kolot Kolotok. Novel punika namung dipun cithak sakedhik, namung kanggé bahan studi ing Jurusan Indonesia, Universitas Negara Moskwa. Manawi Di Bawah Langit Tak Berbintang punika satunggiling memoar lan otobiografi ingkang isi pengalaman gesang ing pengasingan ing nagari RRT lan Rusia. Minangka pakurmatan, nalika kapundhut, piyambakipun dipun sarèaken wonten ing pemakaman Islam kapisan ing Moskwa.
[sunting] Karya
- Tambera (1948)
- Orang-orang Sial: kempalan carios taun 1948-1950 (1951)
- Selamat Djalan Anak Kufur (1956)
- Si Kampeng (1964)
- Si Sapar: novelette bab penarik betjak ing Djakarta (1964)
- Kolot Kolotok
- Di bawah langit tak berbintang (2001)
- Menuju Kamar Durhaka - kumpulan cerpen (2002)
Drama:
- Suling (1948)
- Bunga Rumah Makan: pertundjukan watak setunggal babak (1948)
- Awal dan Mira: drama setunggal babak (1952)
- Sajang Ada Orang Lain (1954)
- Di Langit Ada Bintang (1955)
- Sang Kuriang: opera dua babak (1955)
- Si Kabajan: komedi dua babak (1959)
- Tak Pernah Mendjadi Tua (1963)
- Manusia Kota: empat buah drama (1961)
Karya-karya Utuy ugi dipun terjemahaken dhumateng basa-basa Inggris, Mandarin, Tagalog, lan sanès-sanèsipun. Wonten ing jaman Orde Baru, sami sareng para penulis sanèsipun ingkang pikantuk stigma komunis, karya-karya Utuy dipun larang édar déning pamaréntah.
[sunting] Ugi Pirsani
[sunting] Pranala Jawi
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
