Universitas Leiden

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Univèrsitas Leiden (basa Walanda Universiteit Leiden utawa sadurungé Rijksuniversiteit Leiden; "Univèrsitas Negeri Leiden") iku sawijining univèrsitas sing papané ana ing kutha Leiden, Walanda. Univèrsitas iki sing tuwa dhéwé ing Walanda lan didegaké ing taun 1575. Sajatiné univèrsitas sing tuwa dhéwé iku Universitas Leuven (1425), nanging saiki papané wis ora ing Walanda manèh nanging ing Belgia. Univèrsitas Leiden didegaké déning Pangéran Willem van Oranje, pemimpin pambalélan Walanda nalika Perang 80 Taun nglawan Spanyol. Miturut tradhisi univèrsitas iki didegaké ing tanggal 8 Februari 1575 sawisé kutha Leiden sing wis dikupeng wadya-bala Spanyol sawetara wanci bisa dibébasaké. Banjur jiwa kapahlawanan wong-wong Leiden arep diparingi anugrah. Para pedunung iki diwèhi rong pilihan: univèrsitas ing kutha Leiden utawa ora mbayar pajeg sawetara wanci. Para pedunung jaré banjur milih pilihan kapisan.