Pit

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Pit-pit awal

Pit gunung modhèrn; bané sing kandhel nggawé pit iki gampang kanggo digunakaké ing ngendi waé.

Pit utawa sepédhah utawa sepeda (panulisan cara Indonesia) iku sawijining piranti transportasi manungsa sing diobahaké mawa dayaning manungsa dhéwé. Pit modhèrn wujudé arupa rodha loro sing digabungaké mawa sawijining ragangan lan bisa ditumpaki manungsa. Banjur ing sadhuwuring ragangan iki palungguhané sing diarani sadhel. Lan kanggo ngobahaké pit, ing ngisor ana onthèlané sing diarani pédhal. Pédhal iki biasané disambungaké mawa ranté ing roda mburi. Banjur kanggo ngarahaké pit, ana setiré sing biasané diarani setang.

Ragangan pit biasané digawé saka logam kayata wesi utawa aluminium. Nanging jaman saiki uga ana sing digawé saka bahan liya kayata plastik lan serat kaca (fiberglass).

Pit diciptakaké ing abad kaping 19 ing Jerman, Eropa déning Karl von Drais. Jaman saiki ing abad kaping 21, pit isih akèh dienggo utamané ing Walanda lan Cina.

[sunting] Étimologi

Tembung "pit" dijupuk saka basa Walanda fiets kamangka tembung "sepédhah" dijupuk saka basa Indonesia sing njupuk saka basa Prancis vélocipède.

Artikel punika, artikel dhasar ingkang kedah dipundarbèni sadaya basa.