Wikipedia:Nyunting kaca

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Wikipedia iku sawijining WikiWiki, kang artiné sapa wae bisa nyunting artikel sing ora direksa lan ngetrapake owah-owahan iku langsung ing kaca kuwi uga.

Nyunting sawijining kaca Wiki iku gampang. Klik waé tab sunting (ing sisih tengen, dhuwur utawa ngisor kaca wiki). Sabanjuré, panjenengan bakal mlebu ing kothak teks sing bisa kanggo nyunting (editing) naskah kang bakal kapacak ing kaca wiki. Panjenengan beciké nyoba dhisik ana ing kothak wedhi. Panggonan iki kanggo sinau kepriyé cara tag wikipedia lumaku.

Panjenengan bisa miwiti ngetik ing kothak teks mau. Panjenengan bisa nambahi katrangan utawa mbeneraké katrangan sing klèru. Eling, tulisan ing wikipedia kudu nétral! Sawisé tulisan wis dadi, panjenengan beciké nonton dhisik sadurungé disimpen.

Ana kalané isi Wikipedia prelu dirembug, apa manèh yèn ana sing ora nétral utawa data-né salah. Panjenengan bisa klik tab "+" utawa dhiskusi kanggo ngrembug perkara mau.

Bab lan Paragraf 1 Katrangan luwih premana perkara nyunting kaca wiki 2 Tips panyuntingan 3 Gawé pranala 4 Suntingan sithik

[sunting] Katrangan luwih premana perkara nyunting kaca wiki

Panjenengan bisa niliki kaca-kaca pitulungan liyané:

• Miwiti kaca anyar.
• Pitakonan sing asring kawetu.
• Wiki markup.

[sunting] Tips panyuntingan

• Panjenengan kudu nétral (Neutral point of view/NPOV).
• Kanthi tulisan sing panjenengan gawé, coba panjenengan klik Pranala kaca iki kanggo mriksa kaca-kaca liya sing kasambung pranala menyang tulisan sing panjenengan gawé. Yèn ana sing béda, beciké panjenengan beneraké utawa ditakonaké marang sing nulis.
• Yèn ora ana pranala tumuju menyang kaca sing panjenengan tulis, iku artiné kaca iku klebu kaca kasepèn (lonely pages).Kaca kasepèn arang ditiliki para pamaos. Beciké panjenengan nggolèki naskah liya sing magepokan lan gawé pranala ing naskah liya mau.
• Mriksani artikel sing padha ing Wikipedia basa liya kanggo njangkepi tulisan lan mènèhi interwiki.

[sunting] Gawé pranala

Pranala (link) iku pérangan wigati ing kaca wiki. Sebisané, panjenengan gawé pranala ing naskah utawa tulisan sing panjenengan gawé. Pranala utawa sambungan menyang kaca liya iku bisa wis ana, bisa uga ora ana (kaca buntu utawa dead-end pages).

[sunting] Suntingan sithik

Yèn panjenengan login, nalika nyunting ana pilihan katrangan cénthangan sithik. Iku kanggo suntingan sing ora ngowahi akèh isi tulisan.