Idrus
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Idrus (Padang, 21 September 1921 - Padang, 18 Mei 1979, Sumatera Barat) punika sastrawan Indonesia ingkang pinunjul. Piyambakipun krama pikantuk Ratna Suri, waonten ing taun 1946, dippun paringi enem momongan, sekawan putra lan kalih putri, inggih punika Prof. Dr. Ir. Nirwan Idrus, Slamet Riyadi Idrus, Rizal Idrus, Damayanti Idrus, Lanita Idrus, lan Taufik Idrus.
Bab lan Paragraf |
[sunting] Donya Sastra
Perkenalan Idrus kaliyan donya sastra sampun wiwit lenggah wonten ing bangku sekolah, utaminipun nalika ing sekolah menengah. Piyambakipun sregeb sanget maos karya-karya roman lan novel Eropa ingkang kasadiyaaken wonten ing perpustakaan sekolah. Piyambakipun ugi sampun ngasilaken carios cekak wekdal jaman semanten.
Krentegipun wonten ing donya sastra ndorong supados milih Balai Pustaka minangka panggénan kanggé nyambut damel. Kanthi mekaten piyambakipun saged nyaluraken minat sastra wonten ing mriku, maos lan memetri karya-karya sastra ingkang kasadiaaken wonten ing mriku lan saged tetepangan kaliyan para sastrawan misuwur. Kekarepan punika wau saged kasembadan, piyambakipun tepangan kaliyan H.B. Jassin, Sutan Takdir Alisyahbana, Noer Sutan Iskandar, Anas Makruf, lan sanès-sanèsipun.
Senajan mboten kersa dipun golongaken minangka sastrawan Angkatan ’45, piyambakipun mboten saged sélak yèn sapérangan ageng karyanipun pancèn inggih nyariosaken bab ingkang magepokan kaliyan masalah wonten ing wekdal punika. Kekhasan gaya seratanipun wonten ing wekdal punika ndadosaken piyambakipun pikantuk panggénan ingkang kinurmatan wonten ing donya sastra, minangka Pelopor Angkatan ’45 ing babagan prosa, ingkang dipun kukuhaken déning H.B. Jassin ing salebeting bukunipun.
Kanthi krenteg ingkang ageng ing babagan sastra punika andamel piyambakipun mboten namung nyerat karya sastra, nanging ugi nyerat karya-karya ilmiah ingkang magepokan kaliyan sastra, kadosta Teknik Mengarang Cerpen lan International Understanding Through the Study of Foreign Literature. Kemampuanipun ngginaaken tigang basa manca, (Belanda, Inggris, lan Jerman) ndadosaken piyambakipun gadhah peluang kanggé nerjemahaken buku-buku manca negari. Karya ingkang dipunkasilaken ing antawisipun Perkenalan dengan Anton Chekov, Perkenalan dengan Jaroslov Hask, Perkenalan dengan Luigi Pirandello, lan Perkenalan dengan Guy de Maupassant.
Amargi tekanan politik lan sikap memusuhan ingkang dipunlancaraken déning Lembaga Kebudayaan Rakyat tumraping para penulis ingkang mboten sepaham, Idrus kapeksa pindah dhateng Malaysia. Wotnen ing Malaysia, oncat saking tekanan Lekra, piyambakipun terus makarya. Karyanipun wekdal punika, ing antawisipun, Dengan Mata Terbuka (1961) lan Hati Nurani Manusia (1963).
Ing salebeting donya sastra, kahebatan Idrus sampun dipun akeni déning masyarakat sastra, utaminipun sakrampungipun karya Surabaya, Corat-Coret di Bawah Tanah, dan Aki dipun terbitaken. Katiga karyanipun kala wau dados karya monumental. Saksampunipun katiga karya punika wau, pamor Idrus wiwit mandhap. Nanging mboten lajeng ical mboten kasebat malih, piyambakipun taksih tetep eksis kanthi nyerat kritik, esai, lan bab-bab ingkang magepokan kaliyan sastra ing serat kabar, kalawarti, lan RRI (kanggé dipunwaos).
[sunting] Karya
- Novel
- Surabaya
- Aki
- Perempuan dan kebangsaan
- Dengan Mata Terbuka
- Hati Nurani Manusia
- [Hikayat Putri Penelope]]
- Hikayat Petualang Lima
- Cerpen
- Dari Ave Maria ke Jalan Lain ke Roma
- Drama
- Dokter Bisma
- Jibaku Aceh
- Keluarga Surono
- Kejahatan Membalas Dendam
- Karya Terjemahan
- Kereta Api Baja
- Roti Kita Sehari-hari
- Keju
- Perkenalan dengan Anton Chekov
- Cerita Wanita Termulia
- Dua Episode Masa Kecil
- [Ibu yang Kukenang]]
- Acoka
- Dari Penciptaan Kedua
[sunting] Ugi Pirsani
[sunting] Pranala Jawi
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
