Ahmad Yani

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Jenderal TNI Anumerta Ahmad Yani (uga dieja Achmad Yani; Purworejo, 19 Juni 1922–Lubang Buaya, 1 Oktober 1965) kuwi pahlawan nasional Indonesia.

Ahmad Yani dikenal minangka sawijining tentara kang tansah sebrang-sebrangan karo PKI (Partai Komunis Indonesia). Nalika mengku jabatan minangka Menteri/Panglima Angkatan Darat wiwit taun 1962, Ahmad Yani nulak usul PKI kanggo nggawé Angkatan Kalima kang dumadi saka buruh lan tani (kang diwènèhi gaman). Awit saka kuwi Ahmad Yani, bebarengan karo pitu tokoh TNI, dadi target kang diculik lan diprejaya déning PKI , liwat G30S (Gerakan Tiga Puluh September). Ahmad Yani ditembak ing ngarep kamaré wektu subuh tanggal 1 Oktober 1965. Jasadé ditemokaké ing sajroning sumur tuwa ing Lubang Buaya.^[1]

Jabatan pungkasan Ahmad Yani yakuwi minangka Menteri/Panglima Angkatan Darat(Men/Pangad) wiwit taun 1962.

Ahmad Yani disarèkaké ing TMP Kalibata, Jakarta.

Bab lan Paragraf 1 Pendidikan 2 Bintang Kaurmatan 3 Karir Militer 4 Séda 5 Wacan 6 Referensi 7 Pranala njaba

[sunting] Pendidikan

• HIS (satingkat SD) Bogor, tamat taun 1935
• MULO (satingkat SMP) kelas B Afd. Bogor, tamat taun 1938
• AMS (satingkat SMU) bagian B Afd. Jakarta, mandheg taun 1940
• Pendidikan militer ing Dinas Topografi Militer ing Malang
• Pendidikan Heiho ing Magelang
• PETA (Tentara Pembela Tanah Air) ing Bogor
• Command and General Staff College ing Fort Leaven Worth, Kansas, USA, taun 1955
• Special Warfare Course ing Inggris, taun 1956

[sunting] Bintang Kaurmatan

• Bintang RI Kelas II
• Bintang Sakti
• Bintang Gerilya
• Bintang Sewindu Kemerdekaan I lan II
• Satyalancana Kesetyaan VII, XVI
• Satyalancana G: O.M. I lan VI
• Satyalancana Sapta Marga (PRRI)
• Satyalancana Irian Barat (Trikora)
• Ordenon Narodne Armije II Reda Yugoslavia (1958) lll.

[sunting] Karir Militer

Sawisé Proklamasi kamardikan Indonesia, Yani mlebu dadi tentara lan mèlu berjuang nglawan panjajah Walanda. Yani ngadegaké pasukan khusus Banthèng Raiders kanggo nglawan pemberontak Darul Islam ing pulo Jawa. Sawisé kuwi, Yani dipindhah menyang Markas Angkatan Dharat, lan banjur mlebu sekolah ing Command and General staff College, Fort Leavenworth, Texas, Amérika Sarékat. Nalika mulih ing sasi Agustus 1958, Yani banjur mimpin Operasi 17 Agustus nglawan pembrontak PRRI ing Sumatra Barat. Pasukané ditugasi kanggo ngrebut kutha Padang lan Bukittinggi, lan suksès mimpin operasi iki Yani banjur diangkat dadi Asisten Kasad ing tanggal 1 September 1962, lan sabanjuré dadi Kasad ing tanggal 13 November 1963, kang otomatis dadi anggota kabinèt nggantèkaké Jendral Nasution.

[sunting] Séda

Nalika Presidhèn Sukarno tansaya raket karo Partai Komunis Indonesia (PKI) ing wiwitan taun 60-an, Yani, kang anti banget marang komunis, dadi kuwatir, utamané sawisé PKI ngusulaké "Angkatan Kalima" lan Sukarno nyoba nglebokaké doktrin Nasakom (Nasionalisme-Agama-Komunisme) jroning militer. Yani lan Nasution nyoba ngulur wektu nalika diprintah déning Sukarno tanggal 31 Mei 1965 kanggo gawé rencana mempersenjatai rakyat (buruh lan tani).

Wektu subuh tanggal 1 Oktober 1965, Gerakan 30 September/PKI nyulik pitu perwira Angkatan Dharat. Nalika para penculik tekan dalemé Yani lan mènèhi weruh yèn ditimbali Presidhèn, Yani njaluk arep adus lan ganti klambi. Nalika panjaluké ora diidinaké Yani murka, lan nyoba nutup lawang ngarep. Salah siji penculik mbanjur mbedhil ngenani Yani nganti séda. Jasadé digawa menyang Lubang Buaya laladan ing sisih wétan Jakarta, lan bebarengan karo jendral kang diprejaya jasadé dilebokaké jroning sumur tuwa.

Wusanané jasad Yani lan para korban liyané bisa diketemokaké ing tanggal 4 Oktober, lan disarèkaké kanthi paurmatan negara ing Taman Makam Pahlawan Kalibata Jakarta. Ing dina kuwi uga, Yani lan para korban liyané dikaruniani gelar Pahlawan Revolusi kanthi Kaputusan Presidhèn No. 111/KOTI/1965.

Dina iki, akèh kutha ing Indonesia duwé dalan kang dijenengaké nganggo asmané Yani, lan tilas dalemé ing Jalan Latuhahary No. 6, Menteng, Jakarta didadèkaké museum.

[sunting] Wacan

• Bachtiar, Harsja W. (1988), Siapa Dia?: Perwira Tinggi Tentara Nasional Indonesia Angkatan Darat (Who is S/He?: Senior Officers of the Indonesian Army), Penerbit Djambatan, Jakarta, ISBN 979-428-100-X

• Mutiara Sumber Widya (publisher) (1999) Album Pahlawan Bangsa (Albam of National Heroes), Jakarta

• Riklefs (1982), A History of Modern Indonesia, Macmillan Southeast Asian reprint, ISBN 0-333-24380-3

• Sekretariat Negara Republik Indonesia (1975) 30 Tahun Indonesia Merdeka: Jilid 3 (1965-1973) (30 Years of Indonesian Independence: Volume 3 (1965-1973)

• Secretariat Negara Republik Indonesia (1994) Gerakan 30 September Pemberontakan Partai Komunis Indonesia: Latar Belakang, Aksi dan Penumpasannya (The 30 September Movement/Communist Party of Indoneisa: Bankgrounds, Actions and its Annihilation) ISBN 979-08300-025

• Simanjuntak, P.H.H (2003) Kabinet-Kabinet Republik Indonesia: Dari Awal Kemerdekaan Sampai Reformasi (Cabinets of the Republic of Indonesia: From the Start of Independence to the Reform Era, Penerbit Djambatan, Jakarta, ISBN 979-428-499-8

• Sudarmanto, Y.B. (1996) Jejak-Jejak Pahlawan dari Sultan Agung hingga Syekh Yusuf (The Footsteps of Heroes from Sultan Agung to Syekh Yusuf), Penerbit Grasindo, Jakarta ISBN 979-553-111-5

[sunting] Referensi

1. ↑ "Jenderal Anti Komunis", Tokoh Indonesia. URL diakses pada 1 April 2007

[sunting] Pranala njaba

• (id) Profil di Tokoh Indonesia.com

Didhisiki déning: Abdul Harris Nasution

Kepala Staf TNI Angkatan Darat 1962-1965

Diganti déning: Soeharto

Artikel prakawis biografi tokoh Indonesia puniki setunggaling tulisan rintisan. Panjenengan saged mbiyantu Wikipedia ngembangaken.