Spjall:Kommúnismi

Úr Wikipediu, frjálsa alfræðiritinu

Greinin Kommúnismi er gæðagrein. Það merkir að Wikipedia-samfélagið telur hana vera mjög vandaða grein. Þrátt fyrir það er að sjálfsögðu ávallt hægt að gera betur og þér er velkomið að bæta hana á hvern þann hátt sem þér dettur í hug.

Ég held að hér sé komið efni í gæðagrein. Það þarf einhver sem er vel að sér um kommúnisma að lesa þetta yfir. --Cessator 14:04, 27 apríl 2007 (UTC)

Ég er sammála, þessi grein er stórfín. Ég gerði smávægilegar lagfæringar. Þar sem sagt er að Maó hafi talið stéttabaráttuna harðna eftir byltinguna, tók ég út "öfugt við Marx og Lenín sem álitu að stéttabaráttan dvínaði og hyrfi" -- eftir því sem ég best veit, þá töldu þeir báðir að fyrst um sinn eftir byltinguna stafaði henni mikil ógn af leifum borgarastéttarinnar, sem væri gagnbyltingarsinnuð. Alræði öreiganna miðar einmitt að því að halda áhrifum þessara afla í skefjum, þ.e.a.s. halda baráttunni áfram þótt formlegum völdum sé náð.Vesteinn 03:34, 29 apríl 2007 (UTC)

Í ákveðnum skilningi er byltingunni samt ekki lokið fyrr en stéttlaust samfélag er orðið til og þá þarf ekki lengur að hafa hemil á neinum stéttum eða leifum stétta, þ.e. skv. kenningunni. --Cessator 06:22, 29 apríl 2007 (UTC)

Ég er ekki vel að mér í kommúnisma (nema það sem ég lærði í skóla af frjálslyndum kennara ;)) en finnst greinin stórgóð. Spurning um að tilnefna hana. — Jóna Þórunn 13:20, 31 júlí 2007 (UTC)

Ég er ekki heldur vel versaður í þessum fræðum en greinin lítur prýðilega út. --Cessator 18:09, 31 júlí 2007 (UTC)