Frisbeegolf
Úr Wikipediu, frjálsa alfræðiritinu
Frisbeegolf er íþrótt sem fer fram á svipaðan hátt og venjulegt golf. En í stað golfkylfa og golfbolta nota leikmenn frisbeediska. Þessi íþrótt var mótuð á áttunda áratug og á það sameiginlegt með venjulegu golfi að reynt er að klára hverja holu í sem fæstum köstum.
Frisbee-disknum er kastað frá teigsvæði í átt að skotmarki sem er „holan“. Þessi hola getur verið mismunandi en oftast er um að ræða sérsmíðaðar körfur. Leikmenn taka hvert kast frá þeim stað þar sem diskurinn lenti síðast. Hæðir, hólar, tré og fleira sem finna má út um allan völlinn eru leikmönnum áskorun og hindrun í tilraunum þeirra við að koma disknum í körfuna. Loks endar „púttið“ í körfunni og þeirri holu er þá lokið.
