Framlög Íslands til forvals Óskarsins

Úr Wikipediu, frjálsa alfræðiritinu

Framlög Íslands til Óskarsins hafa verið valin af íslenska kvikmyndaiðnaðinum þau ár sem kvikmynd var framleidd sem uppfyllti skilyrði Bandarísku kvikmyndaakademíunnar^[1]. Frá stofnun Eddunnar árið 1999 hefur Íslenska kvikmynda- og sjónvarpsakademían séð um val á mynd ár hvert. Þrjú árin (1999, 2000 og 2001) voru kvikmyndir tilnefndar til framlagsins líkt og í öðrum verðlaunaflokkum á Edduhátíðinni.

Árið 1947 byrjaði Bandaríska kvikmyndaakademían að veita Óskarsverðlaun fyrir bestu erlendu kvikmyndina. Aðferðin sem notuð er við valið er einföld: Hverju landi er boðið að senda inn eina kvikmynd sem framleidd hefur verið á tilteknu tólf mánaða tímabili. Innsendar kvikmyndir fá sérstaka sýningu þar sem nefndin gefur einkunn fyrir þær myndir sem hún sér. Þær fimm myndir sem fá hæstu einkunn eru tilnefndar til Óskarverðlauna í flokknum „besta erlenda kvikmyndin“, en það er ekki fyrr en á sjálfri Óskarsverðlaunahátíðinni sem tilkynnt er um sigurvegara. Sú mynd sem hlýtur verðlaunin þarf ekki endilega að vera sú sem fékk hæstu stigin við valið á tilnefningum.

Ísland sendi sína fyrstu kvikmynd árið 1981 og var það kvikmyndin Land og synir sem var frumsýnd árið áður. Tvær íslenskar kvikmyndir hafa hlotið tilnefningu til Óskarsverðlaunanna frá upphafi; ein kvikmynd í fullri lengd og ein stuttmynd. Börn náttúrunnar eftir Friðrik Þór Friðriksson var tilnefnd árið 1992 í flokknum „besta erlenda kvikmyndin“. Árið 2006 var síðan Síðasti bærinn eftir Rúnar Rúnarsson tilnefnd í flokknum „besta leikna stuttmyndin“.

[breyta] Kvikmyndir

Ártölin vísa til þess árs þegar Óskarsverðlaunin voru veitt (í öfugri tímaröð):

Ár	Kvikmynd	Leikstjóri
2008	Mýrin	Baltasar Kormákur
	(Tilnefningar: Köld slóð, Foreldrar, Astrópía, Veðramót)
2007	Börn	Ragnar Bragason
	(Tilnefningar: Blóðbönd)
2006	Í takt við tímann	Ágúst Guðmundsson
2005	Kaldaljós	Hilmar Oddsson
2004	Nói albínói	Dagur Kári Pétursson
	(Engar tilnefningar)
2003	Hafið	Baltasar Kormákur
2002	Mávahlátur	Ágúst Guðmundsson
	(Tilnefningar: Íkingút, Óskabörn þjóðarinnar)
2001	Englar alheimsins	Friðrik Þór Friðriksson
	(Tilnefningar: Myrkrahöfðinginn, Fíaskó, 101 Reykjavík, Íslenski draumurinn)
2000	Ungfrúin góða og húsið	Guðný Halldórsdóttir
	(Tilnefningar: (Ó)eðli)
1999	Stikkfrí	Ari Kristinsson
	(Tilnefningar: Dansinn, Sporlaust, Popp í Reykjavík)
1998	Blossi/810551	Júlíus Kemp
	(Tilnefningar: Perlur og svín)
1997	Djöflaeyjan	Friðrik Þór Friðriksson
	(Tilnefningar: Benjamín Dúfa, Agnes)
1996	Tár úr steini	Hilmar Oddsson
1995	Bíódagar	Friðrik Þór Friðriksson
1994	Hin helgu vé	Hrafn Gunnlaugsson
1993	Svo á jörðu sem á himni	Kristín Jóhannesdóttir
	(Tilnefningar: Ingaló,Veggfóður, Sódóma Reykjavík)
1992	Börn náttúrunnar tilnefnd til Óskarsins	Friðrik Þór Friðriksson
1991	Pappírspési	Ari Kristinsson
1990	Kristnihald undir Jökli	Guðný Halldórsdóttir
1989	Í skugga hrafnsins	Hrafn Gunnlaugsson
1988	Skytturnar	Friðrik Þór Friðriksson
1987	Eins og skepnan deyr	Hilmar Oddson
1986	Skammdegi	Þráinn Bertelsson
1985	Hrafninn flýgur	Hrafn Gunnlaugsson
1984	Húsið	Egill Eðvarðsson
1983	Okkar á milli	Hrafn Gunnlaugsson
1982	Útlaginn	Ágúst Guðmundsson
1981	Land og synir	Ágúst Guðmundsson

[breyta] Tilvísanir

	Edduverðlaunin
	Verðlaun
Kvikmynd ársins | Leikstjóri ársins | Handrit ársins | Leikkona ársins í aðalhlutverki | Leikari ársins í aðalhlutverki | Leikari/leikkona ársins í aukahlutverki | Leikið sjónvarpsefni ársins | Skemmtiþáttur ársins | Frétta- og/eða viðtalsþáttur ársins | Menningar- og/eða lífstílsþáttur ársins | Heimildarmynd ársins | Myndataka og klipping | Hljóð og tónlist | Útlit myndar | Stuttmynd ársins | Heiðursverðlaun ÍKSA | Vinsælasti sjónvarpsmaður ársins | Framlög Íslands til forvals Óskarsins
Gömul verðlaun
Tónlistarmyndband ársins | Sjónvarpsfréttamaður ársins | Sjónvarpsverk/stuttmynd ársins | Fagverðlaun ársins | Hljóð og mynd | Sjónvarpsþáttur ársins | Leikari/leikkona ársins í aðalhlutverki
Afhendingar
1999 | 2000 | 2001 | 2002 | 2003 | 2004 | 2005 | 2006 | 2007