Edith L. Tiempo

Manipud iti Wikipedia

Ni Edith L. Tiempo (naipasngay idi Abril 22, 1919 iti Bayombong, Nueva Vizcaya), maysa a mannaniw, fiksionista, mannursuro ken kritiko iti literatura ket maysa kadagiti maibilang a kalaingan a Filipino a mannurat iti pagsasao nga English. Maysa kadagiti mabigbig a panuli ti literatura nga English iti Filipinas. Kaduana ti asawana a ni Edilberto K. Tiempo, maysa a mabigbig a mannurat ken kritiko iti literatura, binangonda idi 1962 ti nalatak a Nailian a Workshop dagiti Mannurat iti Silliman iti Ciudad ti Dumaguete.

Napadayawan kas Nailian nga Artista iti Literatura idi 1999.

[baliwan] Obra

• Novela: A Blade of Fern (1978), The Native Coast (1979), The Alien Corn (1992)

• Ababa a sarita: Abide, Joshua, and Other Stories (1964)

• Daniw: The Tracks of Babylon and Other Poems (1966), The Charmer’s Box and Other Poems (1993)

[baliwan] Pammadayaw

• Nailian nga Artista (1999)
• Pammadayaw a Palanca
• Cultural Center of the Philippines (1979, Umuna a Gunggona iti Novela)
• Gawad Pambansang Alagad ni Balagtas (1988)