Widła
Z Wikipedije, swobodneje encyklopedije
Widła je serbska skupina, kiž je so załožiła w lěće 2005. Z tym je najmłódša serbska skupina. Jeje směr mjenuje so ancient sorbian blood metal, štož je měšeńca z deathmetala a blackmetala. Po formje a zwuku orientuje so skupina po klasiskich přikładach horjeka mjenowanych hudźbnych směrow.
Prěni wustup měješe skupina 22. apryla 2006 na koncerće The Last Gathering z DeyziDoxs a Blind Judgement, na kotrymž so poslednja ze swojimi přiwisnikami rozžohnowaše. Tam dožiwi Widła wulkotny započatk a žněješe wot publikuma dobru rezonancu. Tak sta so wona po rozpušćenju Blind Judgement z najtwjerdšej serbskej skupinu.
[wobdźěłać] Zestawa skupiny
- Spěwar - Aleksander Grzyb
- Gitara - Syman Deleńk
- Bas - Stanij Wićaz
- Bijadło - Wincenc Wałda
[wobdźěłać] Powšitkownosće
Teksty skupiny su hač dotal jenož w jendźelskej rěči.
Eksistuje tež audio-natočenje jich prěnjeho wustupa.