Rjana Łužica
Z Wikipedije, swobodneje encyklopedije
Rjana Łužica (w delnjoserbskej warianće ma spěw titul „Rědna Łužyca”) je narodna hymna Serbow.
Wobsah |
[wobdźěłać] Stawizny
 Handrij Zejler (1804–1872) |
 Korla Awgust Kocor (1822–1904) |
Dnja 24. awgusta 1827 wozjewi tehdy 23lětny student teologije Handrij Zejler we wot Serbskeho prědarskeho towarstwa w Lipsku rukopisnje rozšěrjenej „Serbskej Nowinje” baseń z titulom „Na sersku Łužicu”. Bašeń wobsteješe ze šěsć štučkow a bu w samsnym lěće wot Korle Benjamina Hatasa (1806–1839) prěni raz zhudźbnjena.
Po tym zo so započa w l. 1844 čas žiwjenja trajace přećelstwo mjez basnikom Zejlerjom a komponistom Korlu Awgustom Kocorom, kiž měješe wjele zhromadnje nastatych twórbow z wuslědkom, skomponowa Kocor na tutu Zejlerjowu baseń w l. 1845 nowu melodiju. Nowa pěseń předstaji so zjawnosći prěni raz na wot Kocora zarjadowanym Prěnim serbskim spěwarskim swjedźenju dnja 17. oktobra 1845 w Budyskej třělerni a bu bórze tak woblubowana, zo doby sej městno serbskeje narodneje hymny. Spěwatej so pak dźensniši dźeń jenož dwě štucce (prěnja a poslednja Zejleroweje basnje).
Hendrich Jordan přebasni tekst do Delnjoserbšćiny, němske přebasnjenje (kiž njemóžemy tu zdźerženja awtorskich prawow dla wozjewić) je wot Kita Lorenca.
[wobdźěłać] Forma spěwa
Baseń ma pjeć linkow w kóždej štucce, melodija k tomu wopřija sydom taktow z nataktom. Original je w fis-moll a spjeća so wšěm pospytam formoweje analyzy.
[wobdźěłać] Prawniske połoženje
Serbska narodna hymnje njeje ani w Serbskim zakonju kraja Bramborskeje ani w Sakskim serbskim zakonju hamtsce definowana. Někotre wustawki wokrjesow serbskeho sydlenskeho teritorija poćahuja so pak wuraznje na tutón spěw.
[wobdźěłać] Tekst
| Hornjoserbsce | Delnjoserbsce |
|---|---|
|
|
