Měsac
Z Wikipedije, swobodneje encyklopedije
Měsac je časowa jednotka a dźěl lěta. Za tym kak so definuje, traje měsac wšelako dołho:
- w powšitkownym trjebanju woznamjenja dobu štyrjoch tydźenjow.
- Protyki wužiwaja měsac k rozrjadowanju časa. K tomu přirjaduja dobje protykoweho měsaca konkretne mjeno měsaca. Po našej protyce traje měsac 28, 29, 30 abo 31 dnjow.
- W astronomiskim zmysle je měsac jako doba definowany, w kotrejž wobkruži přirodny satelit swój planet. We wušim zmysle poćahuje so "měsac" jenož na měsačk zemje: Měsac zemskeho měsačka traje mjez 27⅓ a 29½ dnjemi.
Měsacy maja w serbšćinje dwoje pomjenowanja. Hłownje wužiwaja so łaćonske mjena, pódla kotrychž pak eksistuja tež mjena serbskeho pochada.
Mjena měsacow:
1. januar (wulki róžk)
2. februar (mały róžk)
3. měrc (nalětnik)
4. apryl (jutrownik)
5. meja (róžownik)
6. junij (smažnik)
7. julij (pražnik)
8. awgust (žnjenc)
9. september (požnjenc)
10. oktober (winowc)
11. nowember (nazymnik)
12. december (hodownik)
