Hodźij

Z Wikipedije, swobodneje encyklopedije

Hodźij

wopon

mapa

Zakładne daty

stat

Němska

knježerstwowy wobwod

koordinaty

51°11′ N 14°19′ E ^(G)

wysokosć

210 m

přestrjeń

43,26 km²

wobydlerstwo

3.427 (31. dec. 2006)

hustosć wobydlerstwa

79/km²

póstowe čisło

02633

telefoniska předwólba

035930

KFZ-znamješko

Stronka w syći

goeda.de

partnerske města

Kunfehértó (Madźarska)

pok.·disk.·wobdź.

Hodźij (něm. Göda) je wjes a gmejna w Hornjej Łužicy, zapadnje Budyšina

[wobdźěłać] Stawizny

Sydlišćo Hodźij ma wjace hač 1000-lětne stawizny. Po Budyšinje bě Hodźij z lěta 1076 druhe najstarše farske městno Mišnjanskeho biskopstwa w Hornjej Łužicy. Hodźij a přisłušne hrodźišćo słušachu hižo ze spočatka 11. lětstotka do wobsydstwa biskopow. W pózdnim srjedźowěku słušeše sydlišćo k mišnjanskemu klóšterskemu teritoriju wokoło Stołpina a Biskopic a přeńdźe po jeho sekularizaciji 1559 do wobsydstwa sakskich kurwjerchow. Kurwjerch Awgust da Hodźisku Łaćonsku šulu wutwarjeć a spěchować. Młodźi Serbja so na tutej šuli za studij teologije přihotowachu. Wulki dźěl serbskorěčnych protestantiskich duchownych w kurwjerchowstwje započny swoje wukubłanje w Hodźiju.

Wot srjedźowěka hač do spočatka 19. lěstotka bě Hodźij schadźowanišćo serbskeho wěca. Při tutym sudnistwje wotměchu so procesy po starych serbskim prawje. Wone bě zamołwite za serbsku ludnosć we wjetšej wokolinje.

[wobdźěłać] Wosobiny

Jaroměr Hendrich Imiš (1819–1897), wot 1858 do 1897 farar w Hodźiju
Michał Frencel (* 1628 w Běčicach), serbski farar a přełožer Noweho Zakonja

[wobdźěłać] Partnerske sydlišća

partnerska gmejna Kunfehértó w Madźarskej

žórło: němska wikipedija

[wobdźěłać] Wjesne dźěle

Ke gmejnje słušeja wjeski Baćoń (Storcha), Běčicy (Pietzschwitz), Bóšericy (Buscheritz), Brěza (Birkau), Čěškecy (Zischkowitz), Čornecy (Zschornitz), Darin (Dahren), Debiškow (Döbschke), Dobranecy (Dobranitz), Dźiwoćicy (Siebitz), Haslow (Dreikretscham), Hornja Boršć (Oberförstchen), Janecy (Jannowitz), Koblicy (Coblenz), Liboń (Liebon), Lutyjecy (Leutwitz), Mała Boršć (Kleinförstchen), Mała Praha (Kleinpraga), Myšecy (Muschelwitz), Njezdašecy (Nedaschütz), Nowe Błohašecy (Neu-Bloaschütz), Nowe Spytecy (Neuspittwitz), Pozdecy (Paßditz), Praskow (Preske), Prěčecy (Prischwitz), Spytecy (Spittwitz), Sulšecy (Sollschwitz), Tři Hwězdy (Dreistern), Zemichow (Semmichau), Žičeń (Seitschen) a Žičeńk (Kleinseitschen).