Bogna Korjenkowa
Z Wikipedije, swobodneje encyklopedije
Bogna Korjenkowa (* 1965 w Budyšinje) je serbska moderatorka telewizijneho wusyłanja Wuhladko.
Bogna Korjenkowa je dwurěčnje w Radworju wotrostła. Po abiturje je studij germanistiki započała. Jeje kariera při serbskej telewiziji je so w lěće 1992 započała, hdyž tam jako swobodna sobudźěłaćerka sobu skutkowaše. Wot lěta 2001 je moderatorka serbskeho telewizijneho wusyłanja „Wuhladko”. Nimo toho je wot lěta 2003 nawodnica studija w Budyšinje.
W lěće 2003 bu wusyłanju na mjezynarodnym rozhłosowym a telewizijnym festiwalu narodnych mjeńšin, na kotrymž je so wjace hač 60 europskich narodnostnych skupinow wobdźěliło, 3. myto spožčene, kotrež bu Bognje Korjenkowej přepodate.
Dźensa bydli Bogna Korjenkowa ze swójbu w Pančicach-Kukowje.