Fiji Hindi

Wikipedia se

Fiji Hindi (Devanagari: फ़िजि हिन्दी), jiske Fiji Baat, Fiji Hindustani, Fijian Hindi aur Fijian Hindustani ^[1] bhi bola jae hai, ek bhasa hai jis me Fiji ke Hindustani log baat kare hai. Ii bhasa Awadhi aur Bhojpuri me se banaa hai aur dher word doosra Hindustani bhasa me se bhi lia gais hai. Fiji Hindi me dher sabd Kaiviti aur English bhasa me se lia gais hai. Dher word khali Fiji me kaam me lawa jae hai. Girmitya log ii bhasa ke Fiji Baat bolat rahin. Ii bhasa thora Pacific Island style se baat karaa jae hai aur iske India ke log samagh nahi sake hai. Bhasa wale expert log batawe hai ki Fiji Hindi ek aapan dhang ke bhasa hai jis me apan dhang ke word hai.^[2]

[badlo] Itihaas

Fiji me sab se pahile girmitya log ke Uttar Pradesh aur Bihar se lawa gais rahaa. Ii logan Hindi ke dher dialect me baat karat rahin. Niche table me ketna log sab dialect me baat karat rahin ke sanchhipt me dewa gais hai:

**Dialects spoken by indentured labourers from North India**
Language/Dialect	Number	Percentage
Bihari	17,868	39.3%
Eastern Hindi	16,871	37.1%
Western Hindi	6,903	15.2%
Rajasthani	1,111	2.4%
Other Languages	1,546	3.4%
Overseas Colonies	640	1.4%
Unknown	500	1.1%
TOTAL	45,439	100%

Dhyan rakhna ki Bhojpuri, jisme north Inida ke girmitya logan ke 35.4% baat karat rahin ke Bihari group me rakha gais hai aur Awadhi, jisme 32.9% girmitya logan baat karat rahin, Eastern Hindi group me rakhaa gais h Fiji me girmitya logan ke aae ke kuch saal baad ek nawaa bhasa suruu bahais jisme sab Hindi dialect ke common elements combine karaa gais aur dher se Kaiviti aur English sabd bhi lewa gais. I develop hae ke India me bola jae Hindi aur Urdu se ekdam diferent hoe gais. Fiji Hindi ke developmet aur jorr pakrris jab ki girmitya logan ke larrkan ke saathe me day care centre rahe ke parrat rahaa. Percy Wright, jon ki girmit ke time Fiji me rahaa, likhis hai ki:

Indian children born in Fiji will have a mixed language; there are many different dialects amongst the Indian population, and of course much intercourse with the Fijians. The children pick up a little of each language, and do not know which is the one originally spoken by their parents.

Reverend Burton likhis hai ki (1917) made similar observations. By the late 1920s, Fiji Hindi was being learned by all Fiji Indian children born in Fiji becoming the common language of North ans South Indians alike.