Villa Florida
Vikipetãmegua
| Villa Florida Villa Florida |
||
|---|---|---|
| Tetã |  Paraguái |
|
| Tetãvore | Misiones | |
| Távayguakuéra | 2.914 ava | |
| Ape távagui | 196 km² | |
| ISO | ||
| Yvatekue | 80 m | |
| Koordinasion | ||
Villa Florida peteĩ táva Paraguaigua, opytáva ysy Tebikuary rembe’ýpe, ojeikekuévo Misiones departamento-pe. Ijypyrã herava’ekue Paso Santa María, Jesuita-kuéra ofundáva 1632-me. Tetã mburuvicha ofunda 6 jasypoarundy 1880-pe avei, Bernardino Caballero omanda aja.
Opyta 161 km táva Paraguaýgui. Tembiapo oñemboguatavéva ha’e comercio ha turismo, oĩ rupi upépe ysyry porã Tebicuary ojerepaitenungáva hese; upéichante avei pe y rembe’ýpe oĩ rupi yvyku’i morotĩ porã ojepytu’u hag̃ua. Tapicha oikóva upépe omba’apo avei ñemongakuaápe.
Táva ñangarekoha ára ojegueromandu’a 8 jasypakõime, Inmaculada Concepción de María ára.
Tembikuaa'aty rechaukaha |
(jehaijey) Yvykuaa
Ko táva yvy ningo peteĩ ñu guasu ndorekóiva yvy kandu tuicháva, ijyvy heta ijuky, ha péicha rupi iporã oñemongakuaa hag̃ua mymba. Ndoguerekói ka’aguy, ndaha’éiramo ysyry Tebicuary jerére mba’e.
Ijere rehe oĩ mina ymaite oñehohẽ hague itatĩku’i ha kuarepoti.
(jehaijey) Ararova
Upépe hakuvevúi heta jasy, hakukue 25 ha 35 grado mbyte rupi poapy jasy pukukue, ha araro’ýpe katu 3 ha 24 mbyte rupi.
Péicha rupi ko táva iporã tembiapo ojejapokuaáva okápe, yvytu piro’ýpe. Turista-kuéra oñangarekova’erã ijehe kuarahýgui, oñemo’ãva’erã ha nosẽiva’erã kuarahy akúpe.
(jehaijey) Demografía
Ndokakuaa guasuiete ko táva, ndaipóri rupi mitãrusu ha mitã kuña rembiaporã. Upévare heta mitãpyahu osẽ oheka omba’apo hag̃ua ambue táva tuichavévape.
(jehaijey) Barrios ha Distritos
Villa Florida ha’e peteĩ distrito ndoguerekóiva compañía oñasaingóva hese.
(jehaijey) Hekoasakue
Ko táva ofundava’ekue 6 jasyporundy 1880-pe General Bernardino Caballero. Ñepyrũrã herava’ekue Paso Santa María, ko’a rupi ohasava’erã katuete tapichakuéra ombojoaju hag̃ua zona central ha tavakuéra opytáva yvy goyto ñane retãme.
Tenonderã ko paso oĩva’ekue 800 metro rupi ysyry ári, ko’ág̃a oĩhápe puente (ojeporuñepyrũva’ekue1968-pe). Tape iporã gueteri, péva oñesẽ guive ysyýgui 19 k km na’ikarẽi ombojoaju peveSan Miguel ( 3 kilómetro ysyrýgui, ombojoaju ruta hũ rehe)
(jehaijey) Ekonomia
Ko távape ekonomia oguata turismo ha mymbañemongakuaa ári.
Pirajekutu rehe ñañe’ẽva’erã avei. Ymámi ojepirakutuva’ekue ko’ápe, ko’ág̃a rupi katu ndojejapovéi, opátama rupi pira ñane retãme, noñemomba’éire léi. Pa’ary 1970 ryepýpe, Villa Florida-pe heta tapicha ohova’ekue oikutu pira. Ko’ág̃a oĩramo jepe tapicha okarúva pirajekutu rehe ndaha’evéi yma guaréicha.
(jehaijey) Mba’yruguata
Ko távape og̃uahẽ sapy’a mba’yruguata oúva Paraguay, Encarnación ha ambue táva Argentina-gui. Terminal de Ómnibus Paraguaýgui osẽ mba’yruguata káda 30 aravo’i, ohóva uperire Encarnación térã San Juan Bautista-pe ha ohokuévo opyta Villa Florida-pe.
Villa Florida oguereko avei avioneta oguejy hag̃ua.
Sa’i ojesyryrykua y rupi, ha umi ygarata ndatuichaitéivante ikatu ojapo, oĩ rupi tenda ipererĩetereiha pe y.
(jehaijey) Arte y arandukuaa
Oguereko peteĩ Museo Histórico, pépe oĩ ta’anga ojejapova’ekue ita ha yvyrágui. Ojegueromandu’ávo 100 ary oñefunda hague ko táva oñemoĩ peteĩ kurusu tuicháva Tupão ykére ysyry rembe’ýpe.
Canción a Villa Florida ha’e purahéi neporãva omoha’agáva mandu’a ko guarani yvy rehe ñe’ẽpoty rupi. Ohai F. Aguiar ha Hilarión Correa omoĩ chupe purahéi. Hetave marandu ikatu ojejuhu Música Paraguaya.org.py
Ko távape avei heñói Kike Pedersen, karai katupyry arpa ñembopúpe, oúva peteĩ ogapy puraheiha hetahágui.
(jehaijey) Turismo
Villa Florida oĩ umi táva ojejovehápe turismo Paraguáipe, tapichakuéra oikóva upépe ohechakuaa rupi tuicha mba’eha chupekuéra mbohupa jeju viru jehupytyrã, ha akóinte oñangarekoporã máva ohóva ijapytekuéra rehe
Oĩ upépe heta hotel, umíva apytépe oĩ Parador, Dirección General de Turismo mba’e, opytáva tavaitépe; Parador Centu Cueopytáva 11 km yvy gotyo, ysyry ári; Parador Las Mercedes, 7 km Paraguay gotyo; avei Hotel Playa, La Misionera ha hetave tenda ojepyta hag̃ua.
Ko távape ojejapomeme turismo ecológico, iporã rupi pevarã. Tapiaite tapichakuéra hogayguakuéra rehe oho ovy’a y rembe’ýpe térã umi hotel-pe avei.
Ambue mba’e iporãva ha’e pe turismo ojejapóva estancia-háre. Táva ypýpe oĩ heta tenda iporãva opyta hag̃ua tapichakuéra oúva ambue tendáguio; umíva apytépe oĩ Cabaña San Francisco opytáva 10 Km tavaitégui; oĩve avei ambue tenda iporãva.
12 km Villa Florida-gui, Ka’apuku rapére, opyta Museo Cabañas, oĩva estancia jerére (ojejapova’ekue 130 ary rasáma) ymave ha’eva’ekue General Atanasio Cabañas, oñorairõva’ekue pu’akápe batalla de Cerro Porteño ha Tacuary (1810) mba’e, ñane retã isãso mboyve España-gui.
(jehaijey) Tembi’u rehegua
Tembi’u ojejapovéva ko távape ha’e piraguigua, milanesa surubíguigua, surubí grillé, surubí a la Napolitana, pira kaldo, ha ambue tembi’u peichagua. Ko’ã hi’upyrã hetereíva ikatu oje’u hotel, parador térã ogahárupi, katuete oipe’átava hokẽ tapicha og̃uahẽvape.
Avei oĩ restaurante omba’apóva ko’ã tembi’u hetereíva apópe; ijapytepekuéra jajuhu Parador de Touring (peaje ykére), restaurante La Reja ha ambueve.
(jehaijey) Mba’éichapa oñeg̃uahẽkuaa
Oñeguahẽ haguqa Villa Florida Paraguay guive, ojehova’erã ruta. 1 "Mcal. Francisco Solano López" rupi, yvy rupi Encarnación gotyo. Ikatu avei ojeho acceso sur rupi, Itá peve, ha upéi ojeho Encarnación gotyo. Villa Florida opyta tape Paraguay ha Encarnación mbytépe. Ojejúramo Ciudad del Este-gui, ojejapyhyva’erã ruta 6 ha oñeguahẽ rire Encarnación.-pe ojeipykúi tape oúva Paraguaýpe.
(jehaijey) Tapicha ojekuavéva upepegua
Tapicha ojekuavéva ko távape Misiones Departamento-pe ha’eva’ekue mbaraka mbopuha Agustín Barrios (Mangoré); ha Villa Florida avei oike ko tembiasakuépe. Kuatiápe he’i heñói hague San Juan Bautista de las Misiones-pe; Vicecónsul argentino oikova’ekue Villa Florida-pe ra’y (kóva ha’e rupi peteĩ puerto internacional), ha isy katu mbo’ehára ombo’éva mbo’ehao ko távape. Oĩ he’íva heñói hague ko’ápe. Mba’e hesakãporãva opavavépe ojerregistra hague San Juan Bautista-pe, táva oñemomba’evéva ha orekova’ekue Registro Civil upéramo.
Ikatupyryeterei rupi ko mbaraka mbopuha, Misiones tuichakue javeve ha upéichante tetãpýre, ovy’a ijyvýpe heñói hague ko artista ijojaha’ỹva.
Ápe heñói karai Luis Alberto Riart, oisãmbyhyva’ekue Paraguái 1924-pe.
(jehaijey) Municipio
Ojevy rire Demokrásia (1989)-pe, oĩ irundy intendente. Ko’ág̃a intendente hína karai. Asa Javier González PLRA-gua (2006-2010)
Táva Villa Florida ha’e tenda iporãitereíva ojeho hag̃ua ojepytu’u ha ojevy’a oguereko rupi heta mba’e oñeñembosarái hag̃ua vy’ápe.
Ág̃a katu oreko teko omopeteĩva chupe ambue tavakuéragui, upépe ndoikói peichapéichante mba’e vai tapére, opavave oiko py’aguapýpe. Tapiaite tapichakuéra ogureko hóga opy’u hag̃ua Villa Florida-pe. Opavave ko tavaygua oñangareko ha omoporã ko tenda oha’arõvo mbohupa.
(jehaijey) Bibliografía y referencias
- Geografía del Paraguay - Editorial Hispana Paraguay S.R.L.- 1a. Edición 1999 - Asunción Paraguay
- Geografía Ilustrada del Paraguay - ISBN: 99925-68-04-06 - Distribuidora Arami S.R.L.
